2021-jıl 26-iyun kúni Tashkent qalasında Ózbekstan Respublikası Oliy Majlisi Senatınıń on altınshı jalpı májilisi bolıp ótken edi.
Jalpı májiliste 19 másele, sonnan, 7 nızam dodalandı.
Rayon hákimliginiń májilisler zalında májilisinde maqullanǵan nızamlar hám kórip shıǵılǵan basqa máselelerdi úgit-násiyatlaw boyınsha jıynalıs bolıp ótti.

Jıynalıstı rayon hákimi J.Adilov basqarıp bardı
Jıynalısqa Ózbekstan Respublikası Oliy Majlisi Senatınıń on altınshı jalpı májilisinde maqullanǵan nızamlar hám kórip shıǵılǵan basqa máseleler boyınsha rayon belsendileri ortasında úgit-násiyat jumısların ámelge asırıw, joqarı palatanıń tiyisli qararlarında belgilengen tapsırmalarınıń orınlanıwın úyreniw, usı máselelerdi xalıq deputatları jergilikli Keńeslerine ámeliy járdem kórsetiw hám puqaralar múrájatları menen orınlarda islesiw maqsetinde Ózbekstan Respublikası Oliy Majlis senatı aǵzası, senator Abat Daniyarov qatnastı.

Jıynalısqa rayonnan saylanǵan Qaraqalpaqstan Respublikası Joqarǵı Keńesi deputatı, Xalıq deputatları rayonlıq Keńesi deputatları, sektor baslıqları, hákim orınbasarları hám tiyisli mákemeler, kárxanalar, shólkemler basshıları qatnastı.

Jalpı májilisti úgit-násiyatlawǵa baǵıshlanǵan jıynalısta rayonlıq ádillik bólimi baslıǵı N. Kalimbetov Nızamshılıq palatası tárepinen maqullanǵan “Hújdan erkinligi hám diniy shólkemler haqqında”ǵı Nızamnıń mazmun-mánisi boyınsha maǵlıwmat berdi.

Bunnan soń rayonı prokurorı P. Xalmuratov Ózbekstan Respublikası Prezidentiniń “Korrupciyaǵa qarsı gúresiw iskerligin nátiyjeli shólkemlestiriwge tiyisli qosımsha is-ilajlar haqqında”ǵı qararı boyınsha shıǵıp sóyledi.

Sonday-aq, Ózbekstan Respublikası Oliy Majlis senatı aǵzası, senator Abat Daniyarov kún tártibindegi máseleler boyınsha óz-pikir usınısların bildirdi.

Taxtakópir rayonı hákimligi Málimleme xızmeti