2021-jıldıń 23-iyul kúni Prezidentimizdiń basshılıǵında ótkerilgen “Xalıq múrájatları menen islesiw sistemasın túpten qayta qáliplestiriw is-ilajları” boyınsha keńeyttirilgen video májilisinde qaralǵan máselelerden bársheniń xabarı bar. Májiliste Prezidentimiz:
– birinshi gezekte xalıqtı múrájat etiwge eń kóp májbúr etip atırǵan sistemalı mashqalalar hám olardı keltirip shıǵarıwshı sebeplerin máhálleniń ózinde sheshiw tiykarǵı wazıypa bolıwı kerekligi;
– 100 mıń múrájattı tolıq hákimlik kúshi menen sheshiw imkaniyatı bar ekenligi;
– endi puqaralardıń múrájatları birden-bir elektron bazada júrgizilip, Xalıq qabıllawxanaları hár sherekte mámleket uyımlarınıń múrájatlar menen islesiw boyınsha ashıq reytingin qáliplestiretuǵının;
– endi Ózbekstandaǵı wálayatlar, rayonlar hám qalalardıń hákimliklerinde puqaralar qabıllawları aldınǵıday ayına bir márte emes, hár kúni ótkeriletuǵını;
– Wálayat, rayon hám qala hákimleri, sektor basshıları bir háptede eki kúndi puqaralardı qabıl etiw hám olardıń múrájatlerin sheshiwge ajıratıwın t.b. tapsırmalardı wazıypa etip belgilep bergen edi.

Taxtakópir rayonında sektor basshıları, tiyisli tarawlar menen birgelikte mashqalalardı unamlı sheshiw imkaniyatların tolıq dárejede kórip shıǵıw boyınsha sistemalı jumıslardı shólkemlestirip aldı.

Ótken úsh kún dawamında xalıq penen ushırasıwlar ótkerilip, múrájatlarǵa sheshim tabıw jolları qaralıp atır.

Taxtakópir rayonı hákimligi málimleme xızmeti