Ózbekstan Respublikası Awıl hám suw xojalıǵı ministriniń 2016- jıl 17-fevral kúngi 22-sanlı buyrıǵı menen tastıyıqlanǵan, Ózbekstan Respublikası Ádillik ministrliginen 1794-2-sanı menen dizimge alınǵan nızamı hám Ózbekstan Respublikasınıń “Jergilikli mámleketlik hákimiyat haqqında” ǵı Nızamınıń 6-statyasına muwapıq
Sh E Sh I M E T E M E N:
Qaraqalpaqstan Respublikası Awıl xojalıǵı ministriniń 2021- jıl 5-iyul kúngi “2022-jılı Super elita, elita hám keyingi áwladlarǵa tiyisli tuqımlıq biyday jetistiriw huqıqına iye bolıw ushın fermer xojalıqları arasında tańlaw ótkeriw haqqında”ǵı 25-sanlı buyrıǵı orınlaw ushın basshılıqqa alınsın.
Rayonda 2022-jılı Super elita, elita hám keyingi áwladlarǵa tiyisli tuqımlıq biyday jetistiriw huqıqına iye bolıw ushın fermer xojalıqları arasında tańlaw ótkeriwdi shólkemlestiriw boyınsha komissiya quramı qosımshaǵa muwapıq tastıyıqlansın.
Tańlaw ótkeriw komissiyasına:
a) tańlaw ótkeriw waqtın hám ornın belgilew;
b) tańlawǵa usınıs etiletuǵın hújjetler dizimin islep shıǵıp, tańlaw ótkeriw tártibi haqqındaǵı daǵazalardı fermer xojalıqları basshılarınıń tanısıwı ushın qolaylı bolǵan orınlarǵa kórsetip qoyıw;
v) tańlaw ótkeriw boyınsha ǵalaba-xabar quralları arqalı daǵazalar beriwdi shólkemlestiriw tapsırılsın.
Usı sheshimniń orınlanıwın qadaǵalaw rayon hákiminiń awıl hám suw xojalıǵı máseleleri boyınsha orınbasarı S.Talxanbaevqa tapsırılsın.
Rayon hákimi: J.Adilov
