Isbilermenlik – búgingi kúnniń aldıńǵı qádemde baratırǵan buwını. Olar ushın mámleketimiz tárepinen qolaylıqlar jaratılıwı dawam etpekte. Prezidentimizdiń ózi isbilermenlerdiń miynetin qollap-quwatlap, waqıt ajıratıp olar menen sáwbetlesiwi – isbilermenlerge kúsh-quwat baǵıshlaǵanın olar jasırmaydı. Keshegi isbilermenniń jaǵdayı hám búgini qanday? Usı soraw dógereginde rayon hákimligi málimleme xızmeti press tur shólkemlestirdi. Jurnalistler bul orındı biykarǵa tańlamaǵan edi. Sebebi, “SHUKHRAT STYLE” shańaraq kárxanası tárepinen islep shıǵarılǵan tutınıw buyımları kópshilik xojalıqlardıń, ásirese jas shańaraqlardıń kemisin toltırıwda úles qosıp atır. Kárxanaǵa qolı gúl usta Jamal Saparbaev basshılıq etedi. Xiywa qalasında shákirtlik jolın baslaǵan Saparbaevlardıń bul kúnde shákirtleri kóp. Birazı óz aldına bólek kárxana ashıp ketse de, olardan járdemin ayamaydı. Olar jurnalistlerdiń sorawlarına ádil juwapların berdi.

Taxtakópir rayonı hákimligi málimleme xızmeti