Kun.uz jámiyetlik telegram kanalında járiyalanǵan “Qaraqalpaqstanda velomarafon jeńimpazına vanna aynası berildi” atamasında bul jaǵdaydıń Taxtakópir rayonında júz bergeni haqqında maǵlıwmat berilgen. Bunı rayondaǵı Máhálle hám shańaraqtı qollap-quwatlaw bólimi menen birgelikte úyreniw payıtında 2021-jıldıń mart ayında “Máhállelerde milliy qádiriyatlardı bekkemlew hápteligi” dawamında “Ózbekstan” mákan  puqaralar jıyınında velosipedshiler jarısı ótkerilgeni, jarıs juwmaǵında úshinshi orın jeńimpazına diplom menen birge vanna aynası sıylıqqa berilgeni anıqlandı. Sol payıtta rayonlıq “Máhálle” qayırqomlıq qorı esabında qárejet bolmawı sebepli arzan bahadaǵı sawǵa alıwǵa sebepshi bolǵan. “Súwrette hákimlik wákilleri de kórinis bergen” degen qatarlarǵa tómendegishe juwap beremiz: bul súwrette hákimiyat wákilleri joq, Máhálle hám shańaraqtı qollap-quwatlaw bólimi tárepinen ótkerilgen ilaj ekenligi anıqlandı.

Taxtakópir rayonı hákimligi Málimleme xızmeti