🔰 Ministrler Kabinetiniń “Kekse áwlad wákilleriniń jámiyettegi ornı hám sociallıq belsendiligin jáne de arttırıw haqqında”ǵı qararına tiykarlanıp, hár jılı oktyabr ayınıń birinshi háptesinde elimiz boylap “Kekseler hápteligi”n ótkeriw belgilengen. Usı tiykarda 4-10-oktyabr kúnleri aralıǵında háptelik ótkeriledi.

“Kekselerdi qádirlew, olarǵa húrmet kórsetiw – xalqımızǵa tán aǵla pazıylet” súreni menen “Taxtakópir” posyolkalıq puqaralar jıyını aymaǵındaǵı 3-sanlı ulıwma orta bilim beriw mektebinde “Nuranıylar jaslar názerinde” atamasında ushırasıw ótkerildi. Oǵan rayonlıq Máhálle hám shańaraqtı qollap-quwatlaw bólimi hám PPJ xızmetkerleri, usı aymaqta jasawshı nuranıylar, oqıwshı jaslar qatnastı.

Ushırasıwda kekse áwlad wákilleri shıǵıp sóylep, ózleriniń ibratlı ómir jolları haqqında aytıp berip, jaslardı atalar jolına sadıq qalıwǵa shaqırdı.

Sonday-aq, ushırasıw sheńberinde nuranıylar oqıwshılar menen shaxmat-shashka oynap, kewilli dem aldı.
Oqıwshılardıń kitap oqıwǵa bolǵan qızıǵıwshılıǵın ele de arttırıw maqsetinde mektep kitapxanasında dóńgelek stol átirapında sáwbetlesiw ótkerildi.
Orınlarda ótkerilip atırǵan “Kekseler hápteligi” nuranıylarǵa kórsetilip atırǵan ámeliy itibardıń ayqın dáliyli.

Taxtakópir rayonı hákimligi Málimleme xızmeti