Rawajlanıwdıń jańa basqıshına qádem qoyıp atırǵan Ózbekstan ushın korrupciyanıń hár qanday túrdegi kórinisi reformalardıń tezligin páseytiw menen qáwipli.
Sol sebepli mámleketimiz basshısı Shavkat Mirziyoev óz wákilligine kirisiwi menen Prezident retinde qol qoyǵan eń birinshi hújjet «Korrupciyaǵa qarsı gúresiw haqqında»ǵı Ózbekstan Respublikası nızamı boldı. Usı nızam normalarınıń nátiyjeli orınlanıwın támiyinlew jámiyet hám mámleket kelesheginiń barlıq tarawlarında korrupciyanıń aldın alıwga baylanıslı is rejelerdi óz waqtında hám sıpatlı ámelge asırıw maqsetinde Prezidenttiń 2017-jıl 2-fevraldaǵı qararı menen «2017-2018-jıllarǵa mólsherlengen korrupciyaǵa qarsı gúresiw mámleketlik dástúri» qabıl etildi. Dástúr sheńberinde bir qatar nızam joybarları islep shıǵıldı, bar bolǵanları inventarizaciyadan ótkerildi. Ulıwma alǵanda sońǵı jıllarda islengen jumıslar nátiyjesi, puqaralardıń huqıqıy sanası hám huqıqıy mádeniyatın asırıwǵa, jámáátte korrupciyaǵa kelispew múnásibetin qáliplestiriwge baylanıslı sistemalı rejeler islengenin kórsetip turıptı.

Reformalardı ámelge asırıw barısında puqaralardıń huqıq hám máplerin qorǵaw, mámleket hákimiyatı hám basqarıw uyımları iskerliginiń áshkaralıǵı, jámáát hám parlament baqlawın támiyinlew mexanizmleri qaliplestirildi, sonday–aq, nızamdı qorgaw hám sud uyımları isleriniń nızamlı tiykarları islep shıǵıldı.
Korrupciyaǵa qarsı dúnya júzinde búgingi kúnniń eń baslı máseleleriniń biri bolıp kelmekte. Bul illetke qarsı gúresiw dúnyanıń kóplep mámleketlerin qamtıp almaqta. Ózbekstan Respublikası da korrupciyaǵa qarsı gúresiwde óz úlesin qosıp kelmekte. Házirgi waqıtta respublikamızda korrupciyaǵa qarsı gúres sheńberinde bir qatar dástúrler qabıl etildi hám olar boyınsha bir qansha isler ámelge asırılıp atır.
2019-jıl 9-yanvardaǵı Ózbekstan Respublikası Prezidentiniń 5618-sanlı «Jámiyette puqaralardıń huqıqıy sanasın hám huqıqıy mádeniyatın túpten jetilistiriw haqqında»ǵı pármanı tiykarında respublikamızdıń barlıq orınlarında názerde tutılǵan basqa baslı máseleler qatarında korrupciyaga qarsı gúresiwde puqaralardıń huqıqıy sanası hám huqıqıy mádeniyatın asırıwǵa baylanıslı pikir alısıwlar ótkerilip kelinbekte. Ásirese Taxtakópir, Qaraózek, Shımbay rayonları boylap PHAJ xızmetkerleri menen birgelikte Korrupciyaǵa qarsı gúres barısındaǵı ilajlarǵa qatnasıp kelmekte.

Sonday-aq PHAJ bólimine múrájat etken hár bir puqara menen jaqsı múnásibette bolıp korrupciyanıń aldın alıw boyınsha túsindiriw jumısları alıp barılmaqta.
PHAJ bólimi xızmetkerleri 24.02.2020-jılı Ózbekstan Respublikası Ádillik Ministrliginiń 49-um sanlı Ózbekstan Respublikası Ádillik Ministrliginiń Korrupciyaga qarsı gúresiw tarawın elede jetilistiriw haqqındaǵı buyrıǵına tiykarlanıp jumıs alıp barmaqtamız.
PHAJ bólimindegi paydalanǵan xızmetleri ushın tólemlerin puqaralar ózleri elektron baylanıslar tárizinde gadjetlar hám mobil telefonları arqalı ámelge asırıp kelmekte. Bul álbette xızmetkerler ushın hám puqaralar ushında júdá qolaylı.
Biz PHAJ xızmetkerleriniń tiykarǵı wazıypasıda usıdan ibarat, puqaralar ushın qolaylıq hám jeńillikler jaratıw.

A. Saǵındıkova
Taxtakópir rayonlıq PHAJ bólimi baslıǵı