“Jergilikli mámleketlik hákimiyat haqqında”ǵı Ózbekstan Respublikası Nızamınıń 17-statyasına tiykarlanıp

SHESHIM ETEMEN :

1. Xalıq deputatları Taxtakópir rayonlıq Keńesiniń gezektegi 39-sessiyası 2021-jıl 30-dekabr kúni saat 10-00 de Taxtakópir rayonı hákimliginiń májilisler zalına shaqırılsın.
2. Sessiya kún tártibine tómendegi máseleler kirgizilsin:

– Ózbekstan Respublikası Prezidentiniń Taxtakópir rayonındaǵı Xalıq qabıllawxanasınıń 2021-jıl dawamında fizikalıq hám yuridikalıq shaxslardan kelip túsken múrájatlar tuwrısında hám sektorlar tárepinen alıp barılıp atırǵan jumıslardı hám de mashqalalardı hár tárepleme talıqlaw haqqında;

– Taxtakópir rayonı ádillik bólimi tárepinen 2021-jıldawamında ámelge asırılǵan jumısları tuwralı;

– Taxtakópir rayonı aymaǵındaǵı awıl xojalıǵı kárxana hám fermer xojalıqlarınıń óz arzası menen jer maydanların rayon hákiminiń qorındaǵı awıl xojalıǵı jerleri esabına qaytıp alıw hámde alınǵan jer maydanların lotlarǵa jaylastırıw haqqında;

– “Saqawat hám kómek” qorınıń rayonlıq bólimi esabınan qarjı ajıratıw tuwralı;

– Sessiya kún tártibine basqa da máseleler kirgiziliwi múmkin.

3. Sessiyaǵa sektor basshıları, rayon hákiminiń barlıq orınbasarları, rayondaǵı tiyisli mákeme, kárxana basshıları hám siyasiy partiyalar wákilleri shaqırılsın.

4. Rayon hákiminiń málimleme xızmeti (O.Genjemuratov)ne usı qarardı veb-sayt hám sociallıq tarmaqlarda jarıtıw tapsırılsın.

5. Usı sheshimniń orınlanıwın támiyinlew Xalıq deputatları Taxtakópir rayonlıq Keńesiniń Sekretariatı baslıǵı Q.Elmuratovqa tapsırılsın.

Taxtakópir rayonı hákimi                                               J.Adilov