Өзбекстан Республикасы Олий Мажлиси жанындағы жәмийетлик фонды мәмлекетлик гранты тийкарында Аймақларды экономикалық раўажландырыўға көмеклесиў орайы Қарақалпақстан бөлими тәрепинен «Шетки аймақларда жасаўшы ҳаял-қызлар ҳәм жасларды заманагөй билим ҳәм исбилерменлик көнликпелерин қәлиплестириў нәтийжесинде оларды исбилерменликке тартыў» жойбары шеңберинде Тахтакөпир районында 2-5 -август күнлери аралығында семинар-тренинг шөлкемлестирилди.

Оған район аймағынан 23 жаслар ҳәм ҳаял-қызлар  қатнасып, семинар-тренинг даўамында:

🔹Исбилерменлик хаққында улыўма түсиник;

🔹Бизнес идеяны таӊлаў;

🔹Бизнес инфраструктурасы;

🔹Маркетинг;

🔹Рекламадан пайдаланыў, SMM (social media marketing);

🔹Менеджмент хәм бизнести басқарыў;

🔹Финанслық саўатлылық;

🔹Бухгалтерия есабы ҳәм салық;

🔹Бизнес режени дузиў темалары профессионал тренерлер тәрепинен интерактив методлардан пайдаланылған ҳалда,  әмелиятларға бай  түрде өтилди.

Қатнасыўшылар өзлерин қызықтырған сораўлары бойынша тийисли жуўаплар алды.

Тахтакөпир районы ҳәкимлигиниң мәлимлеме хызмети