Taxtakópir rayonındaǵı «Qaraoy» APJ aymaǵında «Jasıl mákan» ulıwma milliy joybarı sheńberinde «Analar baǵı» shólkemlestirildi.

Ilajǵa rayon hákimi J.Adilov, Ózbekstan Respublikası Bas ministriniń orınbasarı Z.Maxkamova, Ministrler Keńesi baslıǵınıń orınbasarı M.Axmedova, belsendi hayal-qızlar hám nurаnıy analar qatnasıp, jaqsı niyetler menen belgilengen jer orınǵa 300 den aslam miyweli hám dekorativ terek nálleri otırǵızıldı.


Bunnan soń, kelgen miymanlar «Qaraoy» APJ aymaǵında qısqa múddetli kásip-ónerge oqıtılıp atırǵan hayal-qızlar menen ushırasıp, Húrmetli Prezidentimizdiń tikkeley itibarı hám ǵamxorlıǵı menen elimiz hayal-qızların qollap-quwatlaw, olarǵa isbilermenlik baǵdarı boyınsha kóplegen jeńillikler berilgenligin atap ótti hám oqıw kursın tabıslı juwmaqlaǵan hayal-qızlarǵa sertifikatlar tapsırdı.



Keyingi mánzilde rayondaǵı «Ǵárezsizlik» MPJ aymaǵında jasawshı ónerment Gulnara Qutlımuratova menen ushırasıp, onıń búgingi kúndegi jetiskenlikleri menen jaqınnan tanıstı hám ónermentshiligin ele de keńeytiwde jaqınnan járdem beretuǵınlıǵın bildirdi.


Sonday-aq, «Taxtakópir» PPJ aymaǵındaǵı 1-sanlı mektebinde rayondaǵı ulıwma orta bilim beriw mektep direktorları qatnasıwında, mektep átirapındaǵı bos jerlerge nál jetistiriw boyınsha tiyisli taraw qánigeleri tárepinen seminar shólkemlestirildi.