Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi ekinshi sessiyası bolıp ótti.
Sessiya jumısına siyasiy partiyalar, rayondaǵı mákeme, kárxana, shólkem basshıları, puqaralar jıyınları baslıqları hám jergilikli ǵalaba xabar quralları wákilleri qatnastı.

Sessiyanı Taxtakópir rayonı hákimi – Xalıq deputatları rayonlıq Keńesi baslıǵı J.Adilov alıp bardı.
Sessiya kún tártibine muwapıq:
– Taxtakópir rayonı jergilikli byudjetiniń 2024-jıldıń 9 ayı dawamında dáramatlar rejesiniń orınlanıwı hám artıqsha orınlanǵan bóleginen sarıplanǵan qarjıları haqqında;

– Taxtakópir rayonı ishki isler bólimi baslıǵı orınbasarınıń «2024-jıldıń 10 ayı dawamında rayon aymaǵında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde alıp barılǵan jumısları haqqında»ǵı esabatı;

– Taxtakópir rayonı aymaǵındaǵı jerden maqsetsiz paydalanıp, ijára shártnamasında belgilep berilgen minnetlemesin orınlamastan kelgen fermer xojalıqlarınıń jer maydanların rayon hákimligi jer fondına qaytarıp alıw ushın, toplanǵan hújjetlerge tiykar tiyisli sudqa múrájat etiw haqqında;

– Ózbekstan Respublikası Prezidentiniń 2023-jıl 24-oktyabr kúngi «Ishimlik suw támiynatı hám shıǵındı suw sistemasın jáne de jetilistiriw boyınsha qosımsha is-ilajlar haqqında» ǵı PQ-343-sanlı qararınıń rayonda orınlanıw barısı;

– Xalıq deputatları Taxtakópir rayonlıq Keńesi sekretariatı baslıǵın tayınlaw;

– Xalıq deputatları Taxtakópir rayonlıq Keńesi turaqlı komissiyalarınıń jeke quramın tastıyıqlaw;
– Taxtakópir rayonı jergilikli byudjeti 2024-jıl III sheregi dáramatlar rejesiniń artıq orınlanǵan bólegi esabınan qarjı ajıratıw haqqındaǵı máseleler qarap shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.

Taxtakópir rayonı hákimliginiń málimleme xızmeti