Ardaqlı nuranıy Biybixan ana, bárqulla húrmet-izzette

Búgin Ózbekstan Respublikası Prezidenti Administraciyası tárepinen dúzilgen arnawlı isshi topar wákili Baxtiyor Saidkosimov, Shańaraq hám hayal-qızlar bólimi, rayonımızdıń belsendi hayal-qızları menen birgelikte «Ózbekstan» mákan puqaralar jıyını aymaǵında jasawshı 100 jastan asqan ardaqlı nuranıy Biybixan Akimniyazovanıń halınan xabar aldı.

Respublikadan biriktirilgen arnawlı isshi topar wákili Baxtiyor Saidkosimov nuranıy anamız benen bir dasturxan átirapında sáwbette boldı. Cáwbetlesiw dawamında Biybixan ana óziniń ómir jolınan mısallar keltirip, aqıl-násiyatın ayttı hám búgingidey tınısh, abat, páráwan jurtta jasap atırǵan hár bir insan shúkirshilik etiwi kerekligin esletip, kelgen miymanlarǵa aq-pátiyasın berdi.

Taxtakópir rayonı hákimliginiń málimleme xızmeti