Milliyligimiz – ruwxıy baylıǵımız

Taxtakópir rayonı Shańaraq hám hayal-qızlar bóliminiń baslaması menen «Ǵárezsizlik» MPJ aymaǵındaǵı 17-sanlı Balalar muzıka hám kórkem-óner mektebinde «Milliyligimiz – ruwxıy baylıǵımız» atamasında ilaj ótkerildi.

Onda Qaraqalpaqstan Respublikası Joqarǵı Keńesi deputatı, «Ǵárezsizlik» MPJ baslıǵı Aysanem Alliyarova, rayonlıq Keńes deputatı Zamira Seytnazarova, aymaqtaǵı belsendi, órnekli hayal-qızlar qatnastı.

Ilajda shıǵıp sóylewshiler tárepinen ata-babalarımızdan miyras bolıp kiyatırǵan úrp-ádet dástúrlerimizdi, tariyxımızdı, milliy qádiriyatlarımızdı áwladtan-áwladqa jetkerip barıw, olardı asırap-abaylaw, hayal-qızlar arasında milliy kiyiniw mádeniyatın úgit-násiyatlaw, jas áwladtı usı qádiriyatlar tiykarında tárbiyalaw haqqında keńnen túsinik berip ótildi.

Ótkerilgen ilaj dawamında Balalar muzıka hám kórkem-óner mektebiniń oqıwshı jasları hám usı aymaqtaǵı 6-sanlı mektepke shekemgi bilimlendiriw shólkeminiń tárbiyashı hám tárbiyalanıwshıları tárepinen milliy dástúrlerimiz tiykarında kórgizbeler jıynalǵanlar názerine usınıldı.