Jaslar menen áhmiyetli ushırasıw ótkerildi

Búgin Taxtakópir rayonı hákimliginiń májilisler zalında Jizzaq wálayatı hám rayon hákimligi menen birgelikte jaslardı hár tárepleme qollap-quwatlaw, olardıń Jizzaq wálayatında bántligin támiyinlew, sonday-aq, biznes baslamaların ámelge asırıwda kómekshi bolıw maqsetinde áhmiyetli ushırasıw ótkerildi.

Onda rayon hákiminiń orınbasarı Sh.Bekturǵanov, Jizzaq wálayatı hákiminiń orınbasarı A.Savurbayev, rayonlıq Jaslar isleri agentligi bólimi hám rayon jasları qatnastı.


Ushırasıw dawamında Jizzaq wálayatı hákiminiń orınbasarı A.Savurbayev sózge shıǵıp, wálayattaǵı bos jumıs orınları, jaslar ushın jaratılǵan imkaniyatlar haqqında maǵlıwmatlar berip ótti.


Ashıq sáwbet esabında ótkerilgen ushırasıwda jaslardıń da pikir-usınısları tıńlanıp, ózlerin qızıqtırǵan sorawlarına juwaplar aldı hám jumısqa ornalasıw imkaniyatları, biznesti rawajlandırıw ushın qollap-quwatlaw baǵdarlamaları haqqında maǵlıwmatlarǵa iye boldı.


Bul ushırasıw Taxtakópirli jaslar ushın óz keleshegin rejelestiriw, jumısqa jaylasıw imkaniyatların keńeytiw, biznes baslamaların ámelge asırıw ushın áhmiyetli maydan boladı.

Taxtakópir rayonı hákimliginiń málimleme xızmeti