Jınayat isleri boyınsha Taxtakópir rayon sudı tárepinen 2025-jıldıń 1-sheregi dawamında ádil sudlawdı ámelge asırıw barısındaǵı ámelge asırılǵan isleri haqqında

Jınayat isleri boyınsha Taxtakópir rayon sudınıń sudlawına jınayat isleri, sonday-aq qamaqqa alıw yaki úy qamaǵı tárizindegi bas sharasın qollaw haqqındaǵı yamasa qamaqta saqlaw yaki úy qamaǵı múddetin uzayttırıw haqqındaǵı, ayıplanıwshını lawazımnan shetlestiriw haqqındaǵı, shaxstı medicinalıq mekemege jaylastırıw haqqındaǵı yamasa ayıplanıwshınıń medicinalıq mekemede bolıw múddetin uzayttırıw haqqındaǵı, tintiw ótkeriw, eksgumaciya qılıw haqqındaǵı, pochta-telegraf jónetpelerin xatlaw haqqındaǵı, amnistiya aktine tiykar jınayat isin qozǵatıwdan bas tartıw xaqqındaǵı yaki jınayat isin óndiristen qısqartıw haqqındaǵı yamasa sudlanǵandı jazadan azat etiw haqqındaǵı iltimasnamalardı, hákimshilik huqıqbuzarlıq haqkındaǵı isler, hákimshilik huqıqbuzarlıq haqqındaǵı is boyınsha shıǵarılǵan qarar ústinen shaǵım beriw menen baylanıslı islerdi kórip shıǵıw kiredi.

Ádil sudlawdı ámelge asırıw, puqaralardıń huqıq hám erkinliklerin qorǵaw barısında jınayat isleri boyınsha Taxtakópir rayon sudı tárepinen 2025-jıldıń 1-sheregi dawamında bir qansha isler ámelge asırıldı.

Atap aytqanda,

2025-jıldıń 1-sheregi dawamında 36 shaxsqa qarata 27  jınayatlı is kórip tamamlanǵan.

Kórip tamamlanǵan jınayat isleriniń 14 jınayat isi jámiyetlik qáwipi úlken bolmaǵan jınayatlar, 8 jınayat onsha awır bolmaǵan jınayatlar, 5  jınayat isi awır jınayatlardı quraydı.

17 jınayat isleri boyınsha 25 shaxsqa qarata jaza tayınlap húkim shıǵarılǵan.

Jaza tayınlap húkim shıǵarılǵan 25 shaxstan:

 3 shaxsqa yaǵnıy 12 payızına járiyma jazası;

 7 shaxsqa yaǵnıy 28 payızına dúzetiw isleri jazası;

 10 shaxsqa yaǵnıy 40 payızına azatlıqtı sheklew jazası;

 5 shaxsqa yaǵnıy 20 payızına erkinen ayırıw jazası tayınlanǵan.

2 is boyınsha 3 shaxsqa Ózbekstan Respublikası JKniń 70-statyasına tiykar jaza tayınlanbastan húkim shıǵarılǵan.

8 shaxstıń qarsısındaǵı 8 jınayat isleri Ózbekstan Respublikası JPKniń 84-statyası 4-bólimine tiykar táreplerdiń jarasqanlıǵı múnasebeti menen ayıplılıq maselesi hal qılınbastan óndiristen qısqartırılǵan.

2025-jıldıń 1-sheregi dawamında kórilgen jınayat isleriniń jınayat quramı jaǵınan analizlegende:

6 jınayat isi aldawshılıq (JK 168-st), 6 jınayat isi transport quralınan paydalanıw qaǵıydaların buzıw (JK 266-st),

3 jınayat isi ózlestiriw yaki rastrata jolı menen talan-taraj etiw (JK 167-st),

2 jınayat isi miynetti qorǵaw qaǵıydaların buzıw (JK 257-st),

 2 jınayat isi erjetpegen yaki miynetke jaramsız shaxslardı materiallıq támiyinlewden bas tartıw (JK 122-st),

2 jınayat isi haywanat yaki ósimlik dúnyasınan paydalanıw tártibin buzıw (JK 202-st),

1 jınayat isi oq atar quralların nızamsız túrde saqlaw (JK 248),

1 jınayat qospashılıq hám ziynexana shólkemlestiriw (JK 131-st),

1 jınayat urlıq (JK 169-st),

1 jınayat salıqlar hám jıyımlardı tólewden bas tartıw (JK 184-st),

1 jınayat biyzarılıq (JK 277-st),

1 jınayat isi náshebentlik zatlardı nızamǵa qılap ráwishte saqlaw (JK 276-st) menen baylanıslı jınayatlardı quraǵan.

2025-jıldıń 1-sheregi dawamında hayal-qızlar tárepinen sádir etilgen 4 jınayat isleri kórilgen,  shet el puqaraları hám jas óspirimler tárepinen sádir etilgen jınayat isleri  kórilmegen.

60 jastan asqan 4 shaxstıń qarsısına 3 jınayat isleri kórilgen.

2025-jıldıń 1-sheregi dawamında 9 jınayat isi boyınsha kóshpeli sud májilisleri ótkerilgen bolıp kórilgen jınayat islerdiń 33 payızın quraydı.

Jınayat isleri boyınsha Taxtakópir rayonı sudı tárepinen  2025-jıldıń 1-sheregi dawamında 27 jınayat isleri menen baylanıslı bolǵan materiallar kórip tamamlanıp, sonnan 25 material júzesinen keltirilgen usınıs hám iltimasnamalar qanaatlandırılǵan, al 2 material júzesinen keltirilgen usınıs hám iltimasnamalar qanatlandırılmastan qaldırılǵan.

Sudqa shekem is júritiw basqıshında processuallıq májbúrlew sharaların qollaw haqqında 8 iltimasnamalar kórip shıǵılıp, sonnan 6 iltimasnamalar qanaatlandırılǵan, 2 iltimasnama qanaatlandırılmastan qaldırılǵan.

2025-jıldıń 1-sheregi dawamında 158 shaxsqa qarata 142 hákimshilik huqıqbuzarlıq haqqındaǵı isler mazmunan kórip shıǵılǵan.

Sonnan 94 is boyınsha 105 shaxsqa qarata hákimshilik jaza qollanılǵan bolıp, usı islerden: 5 is 5 shaxsqa qarata qosımsha jaza tayınlanǵan, 22 is boyınsha 25 shaxsqa qarata hákimshilik islerge HJhKtiń 33-statyası qollanılıp jeńilirek jaza tayınlanǵan.

Hákimshilik jaza qollaw haqqında qarar shıǵarılǵan 105 shaxstan:

– 79 shaxsqa jariyma jazası,

– 26 shaxsqa hákimshilik qamaq jazası tayınlanǵan.

48 is boyınsha 53 shaxsqa qarata is júritiwden qısqartılǵan, sonnan 17 shaxsqa qarata 16 hákimshilik isler HJhKniń 21-statyasına, 11 shaxsqa qarata 10 hákimshilik isler HJhKniń 271-statyası 1-bántine, 14 shaxsqa qarata 14 hákimshilik isler HJhKniń 271-statyası 11-bántine   hámde 11 shaxsqa qarata 8 hákimshilik is HJhKniń 271-statyası 101-bántine tiykar is júritiwden qısqartılǵan.

Kórip tamamlanǵan hákimshilik islerden 113 is yaǵnıy 79,5 payız isler miynet jámáátlerinde hám puqaralar jıyınlarında ótkerilgen kóshpeli sud májilislerinde kórilgen.

Esabat dáwirinde sud tárepinen hákimshilik isler menen baylanıslı 65 materiallar kórilgen bolıp, sonnan hákimshilik huqıqbuzarlıq haqkındaǵı is boyınsha shıǵarılǵan qarar ústinen shaǵım beriw menen baylanıslı 18 materiallar, arnawlı huqıqtan ayırıw jazasın qısqartıw menen baylanıslı 3 materiallar hám basqa mazmundaǵı 44 materiallar kórilgen.

2025-jıldıń 1-sheregi dawamında sudqa puqaralardan 4 dana jazba múrájatlar kelip túsken. Sonnan 3 múrájatlarǵa nızamda belgilengen múddette úyrenilip, jazba túrde juwap berilgen, 1 múrájat tiyisliligi boyınsha basqa sudqa jiberilgen.

Sud baslıǵınıń jeke qabıllawında 4 puqaralar bolıp, olarǵa awızeki túsindiriwler berilgen.

Bunnan tısqarı, jınayat isleri boyınsha Taxtakópir rayonı sudı tárepinen jınayatlardıń kelip shıǵıw sebepleri hám olarǵa imkan bergen shart-sharayatlardıń aldın alıwǵa qaratılǵan birqansha isler ámelge asırıldı.

Jınayat isleri boyınsha Taxtakópir rayonı sudı tárepinen 13 jınayat isi boyınsha sorastırıw, tergew organları hám basqa mámleketlik organları lawazımlı shaxsları tárepinen jol qoyılǵan kemshilikler júzesinen jámi 17 ayrıqsha uyǵarıwlar shıǵarılıp, sonnan tergew organlarına, sudlanıwshılardıń jasaw ornındaǵı puqaralar jıyınları baslıqları hámde jumıs orınlarına jiberilip múnásibet bildirilgen.

 2025-jıldıń 1-sheregi dawamında sud tárepinen jámi 17 mártebe ǵalaba-xabar quralları arqalı shıǵıwlar ámelge asırılǵan.

Sonnan 3 márte televidenie arqalı, 4 márte radioda, 2 márte gazetalarda maqalalar hám 8 márte veb-saytlar arqalı shıǵıwlar bolǵan. Sonday-aq, 3 márte awızeki huqıqıy úgit-násiyat isleri ámelge asırılǵan.

Jınayat isleri boyınsha Taxtakópir rayonı sudı baslıǵı
O.Maulenov