Elimizde kúnler ısıwı menen adamlar salqın dem alıw orınlarına yaki suw háwizlerine barıwı artadı. Sonıń menen birge jasalma kól, dárya hám kanallarda dem alıw hám taǵı basqa kúndelikli xızmetler ushın kishi kólemli kemelerden matorlı kemeler, gidrocikllerden paydalanıp kiyatırǵan keme aydawshıları yaki texnik xızmetkerleri kishi kólemli kemelerden yaki gidrociklden paydalanıw boyınsha qáwipsizlik talapların jaqsı biliwine qaramastan, puqaralardıń hám ózleriniń ómirine qáwip tuwǵızbaqta. Taxtakópir rayonı ayrıqsha jaǵdaylar bólimi kishi kólemli kemelerden tómendegi jaǵdaylarda qollanıw mumkin emesligin eskertedi:
– dem alıw orınlarında, lager yaki sanatoriyalarda kishi kólemli kemelerden paydalanıwdan aldın onı óz waqtında jıllıq texnikalıq kórikden ótkenligi haqqında keme bileti bolmaǵanda;
-kemede qutqarıw ásbapları bolmaǵan, yaǵnıy: qutqarıw jileti, fanar, qutqarıw ballonı , ot óshiriw asbabı (ognetushitel), keme bortında eskekler toplamı, eskeklerdiń qulaqları bolmaǵanda, ruxsatsız basqa qurılmalar menen úskenelengende;
-kemeniń júk kóteriw qábiletinen kóbirek júk artıwına jol qoymaslıq hám kemeniń ishki tárepindegi qaptal taxtalarında júk kóteriw qábileti hám jolawshı tasıw sıyımlıǵı jazılmaǵan bolsa kemede háreketlenbeń;
-waqtınshalıq yaki turaqlı turde júziw qadaǵan etilgen aymaqlarǵa ruxsatsız kiriw yaki qadaǵan etilgen orınlarda bile tura toqtaw, plyajlarda, basqa da shomılıw orınlarında hám adamlar kóp dem alatuǵın orınlarda háreket etiw, plyaj shegaraları hám adamlar shomılatuǵın orınlarǵa suw motocikllerinde 150 metr aralıqqa shekem jaqınlasıw , júziwshi navigaciya belgileri, júk hám jolawshı túsiriw orınları, kópir astında toqtaw, basqa suw kemelerine kesent beriw;
-kishi kólemli kemelerde 12 jasqa shekemgi bolǵan balalardı qutqarıw jiletlerisiz hám úlken adamlardıń baqlawısız alıp júriw, belgilengen suw shegara aymaqların hám júziw qaǵıydaların buzǵan halda , alkagolli ishimlikler , narkotik zatlar qabıl etip, más halda bolǵan shaxsqa keme basqarıwın beriw;
– háreket waqtında bir kemeden basqa kemege ótiw, keme bortında otırıw, kemeni silkitiw, janılǵı quyıwda órt qáwipsizligine ámel etpew, borttan sırtqa shıǵındılardı h.t.b. taslaw, neft ónimlerin tógiw, avariya – qutqarıw jumısları alıp barılıp atırǵan orınlarda, kópir, kanallarda kemelerdi quwıp ótiw, duman waqtında hám basqa qolaysız hawa – rayı sharayatlarında háreket etiw qatań túrde qadaǵan etiledi.
Jáne sizge sonı aytıp ótpekshimiz, barlıq túrdegi kemeler hám gidrocikl (suw motocikli) paydalanıwda qániygesi menen birge háreket etiwińizdi ótinish etip qalamız. Usı háreketińiz arqalı ózinizdiń hám jaqınlarınızdıń ómirin saqlap qalǵan bolasız.

Taxtakopir rayonı ayrıqsha jaǵdaylar bólimi