Usı jıldıń 21-avgust kúni Taxtakópir rayonlıq Mádeniyat orayında Qaraqalpaqstan Respublikası Densawlıqtı saqlaw ministrligi tárepinen  «Salamat ana-salamat bala» principi tiykarında «Salamat anadan – salamat bala tuwıladı» atamasında hayal-qızlar arasında ashıq sáwbetlesiw bolıp ótti.

Ilajǵa rayon hákiminiń orınbasarı, Shańaraq hám hayal-kızlar bólimi baslıǵı G.Seytnazarova, Qaraqalpaqstan Respublikası aymaqlıq perinetal orayı shıpakeri S.Qasimova, Reproduktiv salamatlıq orayı shıpakeri E.Embergenova, Ana hám bala skrining orayı shıpakeri D.Izbasqanova hám máhállelerdegi hayal-qızlar belsendileri menen birgelikte jas qız-kelinshekler, mol turmıs tájiriybesine iye nuranıy analar qatnastı.



Hayal-qızlar menen ashıq sáwbetlesiw ótkeriwden maqset xalıqtıń salamatlıǵın jánede bekkemlew, erte neke, erte tuwıwshılıqtıń aldın alıw, salamat turmıs tárizin engiziw hám hayal-qızlar arasında ushırasıp atırǵan keselliklerdi erte aldın alıw bolıp tabıladı.

Ilaj dawamında, tájiriybeli shıpakerler tárepinen hayal-qızlar ushın kɵplegen másláhát hám usınıslar bildirildi.

Taxtakópir rayonı hákimliginiń málimleme xızmeti