Bugun Taxtako‘pir tumani hokimining o‘rinbosari Sh.Bekturganov tumandagi ixtisoslashtirilgan maktabda bo‘lib, maktabning pedagogik jamoasi bilan uchrashuv o‘tkazdi.

Uchrashuv davomida O‘zbekiston Respublikasi Prezidentining 2025-yil 3-yanvardagi PQ-1-sonli qarorining mazmun-mohiyati tushuntirilib, o‘quvchi-yoshlar o‘rtasida huquqbuzarlik va jinoyatchilikning oldini olish, ularning doimiy bilim olishini ta’minlash masalalari muhokama qilindi.

Shuningdek, o‘qituvchilar tomonidan Xalqaro grantlarni yutib olish va ularning chet tili fanidan Xalqaro sertifikatlarga ega bo‘lishi hamda maktabda IT sohasini rivojlantirishga yo‘naltirilgan sa’y-harakatlarni kuchaytirish bo‘yicha topshiriqlar berildi.

Taxtako‘pir tumani hokimligining axborot xizmati