«Turan mektep teatrı» tańlawınıń rayonlıq basqıshı ótkerildi

Taxtakópir rayonlıq Mádeniyat orayında rayonlıq Mektepke shekemgi hám mektep bilimlendiriw bólimine qaraslı ulıwma orta bilim beriw mektep oqıwshıları arasında, «Turan mektep teatrı» tańlawınıń rayonlıq basqıshı ótkerildi.

Oǵan rayon aymaǵındaǵı 20 ulıwma orta bilim beriw mekteplerinen 160 oqıwshı qatnastı.

Oqıwshılar tańlawdıń ótkeriliw tártibine tiykar eki shártte bellesip, tańlaw jumaǵında:

1-orındı 3-sanlı mektep;

2-orındı 2-sanlı mektep;

3-orındı 7-sanlı mektep oqıwshıları iyeledi hám shólkemlestiriwshiler tárepinen sıylıqlandı. 1-orındı iyelegen 3-sanlı mektep oqıwshıları Respublikalıq basqıshqa jollama aldı.

Tańlawdı ótkeriwdegi tiykarǵı maqset, oqıwshı jaslarda sóylew hám sahna mádeniyatın qáliplestiriw, teatr studiyaları iskerligin qollap-quwatlaw, olardıń dóretiwshiligi hám de intellektual qábiletin rawajlandırıw, qábiletli oqıwshılardı anıqlaw bolıp tabıladı.

Taxtakópir rayonı hákimliginiń málimleme xızmeti