Jası úlken analarımız – hár bir shańaraqtıń uyıtqısı hám bereketi. Olardı qansha ardaqlasaq ta kóplik etpeydi. Búgin orınlardan usınday húrmet-izzettegi analarımızdıń ayırımları tańlaw qatnasıwshıları boldı.

Rayonlıq mádeniyat orayı zalında Ózbekstan “Adalat” social-demokratiyalıq partiyası, máhálle hám shańaraqtı qollap-quwatlaw bólimi, Nuranıy jámáátshilik keńesi menen birgelikte “Ádalatlı qáyin ene” atamasındaǵı kórik tańlawınıń rayonlıq basqıshın ótkerdi.

Tańlaw juwmaǵında “Aydın jol” MPJ aymaǵınan qatnasqan J.Maxamatdinova birinshi orındı, Taxtakópir PPJ aymaǵınan X.Artiqova ekinshi orındı, “Dáwir” MPJ aymaǵınan Z. Jaqsımuratovalar sıylı úshinshi orınlardı jeńip aldı hám shólkemlestiriwshiler tárepinen húrmet jarlıqları, sawǵalar menen xoshametlendi.

Taxtakópir rayonı hákimligi málimleme xızmeti