Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi jetinshi sessiyası bolıp ótti.

Sessiya jumısına siyasiy partiyalar, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.
Sessiyanı Xalıq deputatları Taxtakópir rayonlıq Keńesi baslıǵınıń orınbasarı T.Jusipov alıp bardı.

Sessiya kún tártibine muwapıq tómendegi máseleler qarap shıǵıldı.

1. Ózbekstan Respublikası Prezidentiniń Taxtakópir rayonındaǵı Xalıq qabıllawxanasınıń rayondaǵı mákeme, kárxana, shólkemlerde múrájatlar menen islesiw jumıslarınıń barısı hámde lawazımlı shaxslardıń juwapkershiligin asırıw tuwralı málimlemesi haqqında.

2.Taxtakópir rayonı Ishki isler bólimi baslıǵınıń rayon aymaǵında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlew boyınsha 2025-jıldıń I sheregi dawamında ámelge asırılǵan jumısları haqqında.

3.Taxtakópir rayonı salıq inspekciyası tárepinen 2025-jıl I sheregi dawamında ámelge asırılǵan jumıslar haqqında.


4.Olimpiya hám paralimpiya háreketi, qánigelestirilgen hám ǵalabalıq sporttı jańa basqıshqa alıp shıǵıw hám xalıqtıń fizikalıq belsendiligin arttırıw boyınsha Taxtakópir rayonı sport mektebi direktorınıń esabatı haqqında.


Taxtakópir rayonlıq jergilikli byudjetiniń erkin qaldıq bólegi esabınan qarjı ajıratıw haqqındaǵı máseleler kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.

Taxtakópir rayonı hákimliginiń málimleme xızmeti