Rásmiy múnásibet!

Usı jıldıń 27-aprel kúni social tarmaqlar arqalı Taxtakópir rayonı Qaratereń kóli boyında shólkemlestirilgen eko-turistlik kompleksinde júzege kelgen tártipsizlik hám unamsız jaǵdaylar boyınsha rásmiy múnásibet bildiremiz.

2025-jıl 26-aprel kúni «Qaratereń» eko-turistlik kompleksinde “Studentler báhári” festivali hám de gala koncert baǵdarlamaları bolıp ótti. Ilajǵa respublikamızdıń kóplegen aymaqlarınan miymanlar kelip, festival sheńberinde xalıqlıq hám zamanagóy muzıka, teatrlastırılǵan hám kórkem óner tamashaları shólkemlestirildi.

Degen menen ayırım puqaralar tárepinen sol aymaktaǵı ruxsat etilmegen qurılmalardan paydalanıwı nátiyjesinde unamsız jaǵdalar júzege kelip, tártipsizliklerdiń kelip shıǵıwına sebep bolmaqta.

Bul jaǵday boyınsha tiyisli shólkem wákilleri menen birgelikte úyreniw jumısları alıp barǵanımızda, jaǵday boyınsha jábirlengenler anıqlanbadı hám bunday tártipsizliklerdiń aldın alıw boyınsha eskeriwshi belgiler tiyisli jerlerge ornatıw jumısları alıp barıldı.

Húrmetli puqaralar!

Bul kópir sadoklarda intensiv usılda jetistirilip atırǵan balıqlardı azıqlandırıw hám olarǵa xızmet kórsetiw maqsetinde ornatılǵan. Kópir balıqshılıqtı nátiyjeli shólkemlestiriw hám balıqlardı turaqlı tárbiyalaw ushın arnawlı paydalanılmaqta.

Usı múnásibet penen, puqaralar hám miymanlardan kópirden basqa maqsetlerde – máselen, júrgen halda seyil etiw, balıq awlaw, suwǵa sekiriw yamasa dem alıw ushın paydalanbawdı qatań soraymız.

Bul sheklew, birinshiden, puqaralardıń qáwipsizligin saqlaw, ekinshiden, balıqshılıqtı rawajlandırıwdıń úzliksiz dawam etiwin támiyinlew maqsetinde engizilgen.

Barlıq puqaralardan belgilengen qaǵıydalarǵa ámel etiwin hám kórsetilgen sheklewlerge húrmet penen qatnas jasawdı soraymız.

Qaǵıydalarǵa ámel etpew belgilengen tártipte juwapkershilikke sebep bolıwı múmkin.