Taxtakópir rayonı hákimliginiń kishi májilisler zalında Ózbekstan liberal demokratiyalıq partiyasınıń belsendi jasları menen ushırasıw bolıp ótti. Ushırasıwǵa ÓzLiDeP Qaraqalpaqstan Respublikası Keńesi apparat baslıǵı, Qaraqalpaqstan Respublikası Joqarǵı Keńesiniń deputatı Sh.Ótemisov hám jaslar bólimi baslıǵı J.Yusupov, rayon hákiminiń jaslar siyasatı maseleleri boyınsha orınbasarı B. Tanirbergenovlar qatnastı.

Ushırasıwda elimizde bolıp atırǵan keń kólemli reformalar, sonıń ishinde jaslardı qollap-quwatlaw boyınsha sońǵı jıllardaǵı imkaniyatlar haqqında sóz boldı. Partiya belsendilerin qızıqtırǵan sorawları tıńlandı hám pikir-usınıslar bildirildi. 24-oktyabr kúni ótkeriliwi kútilip otırǵan prezident saylawı boyınsha da túsinikler berildi.

Taxtakópir rayonı hákimligi málimleme xızmeti