Taxtakópir rayonı huqıq qorǵaw uyımlarınıń muwapıqlastırıwshı Keńes májilisi bolıp ótti. Keńes májilisiniń kún tártibinde:
rayon aymaǵında 2021-jıldıń 6 ayı dawamında jınayatshılıq hám huqıqbuzarlıqtıń aldın alıw, oǵan qarsı gúresiw, nızamshılıqtı bekkemlew barısında ámelge asırılǵan jumıslardıń juwmaǵı, jınayatlardıń sebeplerin úyreniw, huqıqbuzarlıqlardıń aldın alıw, keleshektegi wazıypalardı belgilew máseleleri qaraldı.

Bayanatta atap ótilgenindey, 2021-jıldıń 6 ayında ekonomikalıq hám sociallıq nızamshılıqlar orınlanıwı ústinen baqlaw boyınsha jámi 9 tekseriw hám monitoringler ótkerilip, tekseriw juwmaǵı menen anıqlanǵan nızam buzılıw jaǵdayların saplastırıw maqsetinde 3 usınıs kirgizilgen, 15 shaxsqa hákimshilik juwapkershilik haqqında, prokuror qararları hám usınısı tiykarında 5 shaxslardıń qarsısına intizamiy juwapkershilik haqqında is qozǵatılǵan, lawazımlı shaxslardıń nızamǵa qayshı 5 qarar hám buyrıqlarına protest keltirilgen, 5 shaxstıń buzılǵan huqıqları tiklenip, jámi 26 prokurorlıq baqlaw hújjetleri qollanılǵan.
Máselen, Ózbekstan Respublikası Prezidentiniń 19.03.2020-jıldaǵı “Koronavirus pandemiyası hám global daǵdarıs jaǵdaylarınıń ekonomika tarmaqlarına keri tásirin jumsatıw boyınsha birinshi náwbettegi is-ilajlar haqqında”ǵı PP-5969-sanlı Pármanınıń orınlanıwı úyrenilgende is haqı hám basqa tólemler ushın ajıratılǵan qosımsha tólemlerden 4.676.017 sumı nadurıs tólengenligi anıqlanıp, 2 shaxstıń karsısına hákimshilik juwapkershilik haqkında is qozǵatıldı.
Bunnan basqa, Ózbekstan Respublikası Prezidentiniń 10.01.2020-jıldaǵı “2020-2022 jıllarda Ózbekstan Respublikasınıń sociallıq islep shıǵarıw infradúzilmesin rawajlandırıw is-ilajları haqkında”ǵı PQ 4565-sanlı qararı sheńberinde sociallıq taraw obektlerde ámelge asırılǵan qurılıs jumısları ushın ajıratılǵan byudjet qarjılarınıń maqsetli isletiliwi awhalı úyrenilgende 39 mln 679 sum islenbesten qosıp jazılǵan jaǵdaylar anıqlanıp, anıqlanǵan jaǵday boyınsha 12 shaxstıń karsısına hákimshilik juwapkershilik haqkında is qozǵatıldı.
Rayon boyınsha 2021-jıl 1-yanvar jaǵdayına yuridikalıq shaxslardıń byudjet hám byudjetten tısqarı maqsetli qorlarǵa ulıwma salıq qarızı 546,9 mln sumdı qurap, sonnan byudjet aldındaǵı qarızdarlıq 236,1 mln sum, pensiya qorına 310 mln sum, 2021-jıl 30 iyun jaǵdayına 509 mln swm bolıp, 37 mln sumǵa qısqarǵan. Jıl basınan jámi 8 mlrd 317 mln salıq óndirilgen.
Rayonda 2021-jılda jámi 598 xojalık júrgiziwshi subektler jumıs alıp barǵan bolsa, sonnan 438 isbilermenlik subektleri esaplanadı, bulardan 202 jeke isbilermen, 145 yuridik shaxs sıpatında esaptan ótken isbilermenler, sonnan 91 fermer xojalıqları. Házirgi waqıtta jámi 177 isbiler-menlik subektleri, sonnan 85 jeke isbilermenler, 92 yuridikalıq shaxslar waqtınsha toqtatılǵan. 21 yuridikalıq shaxslar bankrot dep tabılǵan.
Rayon prokuraturası tárepinen isbilermenlik subektlarin qollap quwatlaw boyınsha 1 tekseriwler ótkerilip, anıqlanǵan nızambuzıwshılıq boyınsha 1 shaxstıń qarsısına intizamiy juwapkershilik haqqında is qozǵatıldı. Sonıń menen birge, rayon prokuraturasınıń ámeliy járdemi menen 3 isbiler-menlik subektleri qayta tiklenip, 3 isbilermenlik subektlari jańadan ashıldı, 5 isbilermenge 945 mln sum bank kreditin alıwına ámeliy járdem berildi, 1 isbilermenlik subektine elektr energiyasına, 1 isbilermenlik subektine suw tarmaqlarına jalǵanıwına ámeliy járdem berilgen bolsa, 7 isbilermenlik subektine basqa túrdegi ámeliy járdemler kórsetilip, jańadan 21 jańa jumıs orınları jaratıldı.
2021-jıl 6 ayında puqaralardan hár túrli máseleler boyınsha jámi 204 múrájat kelip túsip, múrájatlar sanı ótken jılǵa salıstırǵanda 117 ge kóbeygen, kelip túsken múrájatlardan 170 múrájat prokuratura tárepinen sheshilip, 31 múrájat tekseriw juwmaǵı menen qanaatlandırılǵan, 139 múrájat iyelerine nızam talapları túsindirilip túsinik berilgen, 32 múrájat sheshiw ushın basqa uyımlarǵa jiberilgen, sheshilgen múrájatlar boyınsha 5 puqaranıń buzılǵan huqıqları tiklengen.

Rayon prokuraturasına kelip túsip atırǵan múrájatlardıń keskin kóbeyine tiyisli mekeme, kárxanalar tárepinen ózlerinen júkletilgen wazıypaların lazım dárejede orınlamaslıǵı, puqaralardıń múrájatlarına itibarsızlıq penen qaraw sebep bolmaqta.
Kelip túsken múrájatlar tiykarınan jumısqa ornalastırıw, sociallıq napaqa pullarınıń ajıratılmay atırǵanlıǵı, úy jay menen támiyinlew, ishimlik suwdıń jetispewi, awıl xojalıǵı máseleleri hám aliment pullarınıń óndirilmey atırılǵanlıǵı mazmunında kelip túsken.
Bul túrdegi múrájatlarǵa juwapker bolǵan shaxslar ózlerine tiyisli juwmaq shıǵarıp alıwları kerek.
Taxtakópir rayon prokuraturası xızmetkerleri, rayondaǵı huqıq qorǵaw organları menen birgelikte jınayattıń hám uqıqbuzarlıqlardıń aldın alıw, xalıqtıń huqıqıy sawatqanlıǵın asırıw boyınsha 2021-jıl 1-yarımında rayon aymaǵındaǵı mekeme hám kárxanalarda, oqıw orınlarında, jasaw orınlarında 112 mártebe awız eki sáwbetlesiwler ótkerilgen.

Jıynalısta sonday-aq aldaǵı waqıtları rayon aymaǵında huqıqbuzarlıq hám jınayatshılıqtıń aldın alıw, kemeytiw, nızamshılıqtı bekkemlew, operativ-qıdırıw hám izlew jumıslarınıń nátiyjeliligin asırıw, qıdırıwdaǵı ayıplanıwshılardı izlep tabıw, bul barıstaǵı jumıslardıń nızamlılıǵın támiyinlew maqsetinde baqlaw ilajların kúsheyttiriw talap etiletuǵını atap ótildi.

Taxtakópir rayonı hákimligi málimleme xızmeti