Xalıq deputatları Taxtakópir rayonlıq Keńesiniń otız birinshi sessiyası bolıp ótti.

Sessiya jumısına rayonlıq Keńestiń deputatları, sektor baslıqları, rayon hákiminiń orınbasarları, tiyisli taraw basshıları qatnastı.

Sessiyanıń kún tártibinde: Taxtakópir rayonı jergilikli byudjetiniń 2021-jıldıń ӀӀ sheregine belgilengen dáramatlar rejesiniń artıq orınlanǵan bólegi hám onıń jumsalıw jónelisleri haqqında, ekinshi máselede rayonlıq mámleketlik salıq inspekciyası tárepinen 2021-jıldıń 6 ayı dawamında jergilikli byudjet dáramatlarınıń orınlanıw jaǵdayı, qosımsha rezervlerdi anıqlaw boyınsha islengen jumıslar, salıqlar hám basqa da májbúriy tólemler kesiminde byudjetke esaplanǵan hám ámelde óndirilgen, sonday-aq, salıq qarızdarlıǵı boyınsha alıp barılıp atırǵan jumısları boyınsha, úshinshi máselede bolsa rayon aymaǵında “Hayallar dápteri”niń 2-basqıshın qáliplestiriw hám muwapıqlastırıw boyınsha jumıslardıń ámelge asırılıwı qarap shıǵıldı.

Alıp barılǵan jumıslar boyınsha bayanatshılardıń málimlemesi tıńlandı hám tastıyıqlaw ushın deputatlarǵa usınıldı.

Kórip shıǵılǵan máseleler boyınsha pikir-usınıslar bildirilip, tiyisli qararlar qabıl etildi.

Taxtakópir rayonı hákimligi málimleme xızmeti