Taxtakópir rayonı Ayrıqsha jaǵdaylar bólimi eskertedi!

Ózbekstan Respublikası Gidrometeorologiya xızmeti orayınıń 2021-jıl 23-iyul kúngi usınılǵan 380-01/293-sanlı eskertiwshi maǵlıwmatında, 2021-jıldıń 24-26 iyul kúnleri respublikamız aymaǵına Iran Islam Respublikasınan ıssı hawa aǵımı kirip keliwi nátiyjesinde hawa temperaturası normadan tıs 4-6⁰ C qa joqarı bolıp, kúndizi hawa-rayı 41-44⁰ C qa shekem, qubla hám shól aymaqlarında 45-46⁰ C qa shekem ıssı bolıwı kútilmekte. Al 25-27 iyul kúnleri bolsa respublikamız boyınsha waqtı-waqtı menen samal tezligi 17-22 m/s.qa shekem kúsheyip, ayırım orınlarda 25-30 m/s.qa shekem shań boranı menen kóteriliwi múmkin.

Sonlıqtan puqaralarımızdan usı kúnlerde ıssı hawanıń hám shań boranınıń kirip keliwi nátiyjesinde zárúrlik bolmasa kóshege shıqpawın, ıssı hawadan saqlanıwın soranıp, ásirese gipertonik hám júrek keselligi menen kesellengen insanlar salamatlıǵına tásir etiwi múmkinligi haqqında eskertemiz.

Taxtakópir rayonı Ayrıqsha jaǵdaylar bólimi