Usı jıldıń 23-iyul kúni Prezidentimizdiń basshılıǵında ótkerilgen “Xalıq múrájatları menen islesiw sistemasın túpten qayta qáliplestiriw is-ilajları” boyınsha keńeyttirilgen video májilisinde Prezidentimiz tárepinen xalıqtıń mashqalasın sheshiwde kóplegen wazıypalar belgilep berilgen edi.

Belgilengen wazıypalardı sheshiw maqsetinde Taxtakópir rayonında sektorlar tárepinen puqaralardıń múrájatları menen islesiw, kóshpeli qabıllawlar ótkeriw jumısları dawam etip atır.
Taxtakópir rayonı hákimi J.Adilov basshılıq etken 1-sektor tárepinen “Dáwir” mákan puqaralar aymaǵında jasawshı puqaralar menen kóshpeli qabıllaw shólkemlestirildi.

Kóshpeli qabıllaw dawamında “Dáwir” MPJ aymaǵında jasawshı puqaralardıń biri E.Kewlimjaev tárepinen ishimlik suw jetkerip beriw boyınsha, A. Aytjanovanıń turaq jay menen támiyinlew, G.Tursınova tárepinen kóshe jolın ońlawda járdem sorawı, M.Gulmanova tárepinen konditer ónimlerin islep shıǵarıw úskenelerin alıw ushın jeńilletilgen kredit ajıratıw, B.Nuralieva tárepinen turaq jay iyeleri sherikliginen qarızdarlıǵın biykarlatıw, R.Berdimuratovtıń dári-darmaqtan járdem etiw tuwralı múrájatları úyrenip shıǵıldı. Múrájatlarda kóterilgen mashqalalardıń  sheshimin tabıwı boyınsha juwapker mákeme basshılarına kórsetpeler berildi.

Házir 1-sektor tárepinen kóshpeli qabıllaw “Atakól” awıl puqaralar jıyınında dawam etip atır.

Taxtakópir rayonı hákimligi málimleme xızmeti