Xalıq deputatları Taxtakópir rayonlıq Keńesiniń otız ekinshi sessiyası bolıp ótti.

Sessiya jumısına Qaraqalpaqstan Respublikası Joqarǵı Keńesiniń deputatı B.Aytekov, rayonlıq Keńestiń deputatları, sektor baslıqları, rayon hákiminiń orınbasarları, tiyisli taraw basshıları qatnastı.
Sessiyanı Xalıq deputatları rayonlıq Keńesi baslıǵı J.Adilov basqarıp bardı.

Sessiyanıń kún tártibinde: Taxtakópir rayonın sociallıq-еkonоmikalıq rawajlandırıwdıń reyting bahalaw nátiyjeleri hám de usı tiykarda anıqlanǵan mashqalalardı saplastırıw boyınsha ámelge asırılǵan ilajlar haqqında; Ózbekstan Respublikası Prezidentiniń 2020-jıl 11-noyabr kúngi “2020-2023-jıllarda Qaraqalpaqstan Respublikasın kompleks sociallıq hám еkonomikalıq rawajlandırıw is-ilajları haqqında”ǵı PQ-4889-sanlı Qararı tiykarında Taxtakópir rayonında investiciya joybarların ámelge asırıw boyınsha alıp barılıp atırǵan jumıslardıń barısı tuwralı; jaslardıń mashqalaların sheshiwge kómeklesiw, jas áwladtıń talantı hám qábiletlerin rawajlandırıw boyınsha qosımsha shárayatlar jaratıw barısında hám de rayon aymaǵında “Jaslar dápteri”nen shıǵarıw boyınsha ámelge asırılǵan jumısları haqqında; “Saqawat hám kómek” qorınıń rayonlıq bólimi esabınan qarjı ajıratıw tuwralı; Taxtakópir rayonı aymaǵında “Hayallar dápteri” boyınsha ámelge asırılıp atırǵan jumısları haqqında; Xalıq deputatları Taxtakópir rayonlıq Keńesi sekretariatı tárepinen 2021-jıldıń 1-avgust jaǵdayına ámelge asırılǵan jumısları tuwralı hám sońında shólkemlestiriw máseleleri qarap shıǵıldı.

Alıp barılǵan jumıslar boyınsha bayanatshılardıń málimlemesi tıńlandı hám tastıyıqlaw ushın deputatlarǵa usınıldı.

Kórip shıǵılǵan máseleler boyınsha pikir-usınıslar bildirilip, tiyisli qararlar qabıl etildi.

Taxtakópir rayonı hákimligi málimleme xızmeti