Húrmetli hám áziyz taxtakópirshiler, qádirli rayonımız miymanları!

Búgingidey kewillerde ózgeshe shadlıq baǵıshlap atqan ájayıp tańda sizlerdi hám sizler arqalı barlıq rayonımızdıń xalqın Ózbekstan Respublikası mámleketlik ǵárezsizliginiń 30 jıllıq bayramı menen shın júrekten qutlıqlayman.

Pútkil elimiz boylap húrmetli Prezidentimizdiń arnawlı qararına muwapıq “Jańa Ózbekstanda erkin hám abadan jasayıq!” atamasındaǵı tereń mazmunlı súren menen ǵárezsizlik bayramınıń ótkeriliwi kewillerdi tolqınlandırıp, bársheni ullı dóretiwshilik islerge ruwxlandırmaqta.
Rayonımızdıń kóp milletli xalqınıń miytindey awızbirshiligi ǵárezsizlik jıllarında ájayıp baslamalarǵa alıp keldi. Bul birligimiz miynet qaharmanların payda etti. Álbette, xalqımızdıń bunday birlesiwi rayonımızda ele de úlken jańalıqlarǵa sebep boladı. Bunı biziń keleshek áwladımız dawam ettire beredi.
Sonı atap ótiwim kerek, búgin qanday tabısqa qol jetkizsek, rayonımızdıń gúlleniwi, abat awıllar dóreliwi, hár bir tarawdaǵı jańalanıwlar – bári-bári elimizdiń ǵárezsizligi jetkergen nátiyjelerden bolıp tabıladı.

Mine, usınday kúsh-qudiretke iye kúndi Siz qádirli xalqım menen birge ashıq aspan astında, tatıwlıqta bayramlaw nesip etip atır.

Áziyz jerlesler!

Búgingi xosh keypiyat, miynet súyiwshilik pazıyletlerińiz sizlerdi hesh waqıt tárk etpesin.

Hár bir shańaraqqa awızbirshilik, baxıt, nesiybe, hár birińizge saw-salamatlıq, qádem basqan jerlerińizde áwmet, tabıslar tileymen.

Gózzal hám biytákirar elimizde hár dayım tınıshlıq bolsın!

Bayram bársheńizge jáne bir mártebe qutlı múbárek bolsın!