Ózbekstan Respublikası Ministrler Kabinetiniń 2021-jıl 9-mart kúngi 125-sanlı qararı hám Ózbekstan Respublikası “Jergilikli mámleketlik hákimiyatı haqqında”ǵı Nızamınıń 6-satatyasına muwapıq,

ShEShIM ETEMEN:

1. Ózbekstan Respublikası Ministrler Kabinetiniń 2021-jıl 9-mart kúngi “Transport quralların májbúriy texnikalıq kórikten ótkeriw tártibin qáliplestiriwge tiyisli qosımsha is-ilajlar haqqında”ǵı 125-sanlı qararı menen tastıyıqlanǵan “Transport quralların májbúriy texnikalıq kórikten ótkeriw tártibi haqqında”ǵı Qaǵıydası orınlaw ushın basshılıqqa alınsın.
2. Rayon aymaǵındaǵı múlkshilik túrine qaramastan yuridikalıq hám fizikalıq shaxslarǵa tiyisli avtomototransport quralları hám olardıń tirkemeleri tiyisli tártipte májbúriy texnikalıq kórikten ótkerilsin.
Transport quralları texnikalıq kórikten tómendegi múddetke muwapıq ótkerilsin:
a) pullı tiykarında jolawshılar tasıw iskerligi menen shuǵıllanıwshı jeńil avtomobiller, avtobuslar, trolleybuslar, orındıqlar sanı 8 hám onnan artıq bolǵan (aydawshınıń ornınan tısqarı), adamlardı turaqlı tasıw ushın úskenelengen júk avtomobilleri, iri gabaritli, awır salmaqlı hám qáwipli júklerdi tasıw ushın arnawlı transport quralları hám olardıń tirkemeleri – bir jılda eki márte;
b) islep shıǵarılǵanına altı jıldan kóp bolmaǵan transport quralları (usı bánttiń “a” kishi bántinde kórsetilgen transport qurallarınan tısqarı) – eki jılda bir márte;
v) islep shıǵarılǵanına altı jıldan artıq bolǵan, sonday-aq, islep shıǵarılǵan waktı anıq bolmaǵan transport quralları (usı bánttiń “a” kishi bántinde kórsetilgen transport qurallarınan tısqarı) – bir jılda bir márte;
g) tirkemeler texnikalıq kórikke transport quralı, júk mashinları ushın belgilengen múddetlerde;
d) náwbettegi texnikalıq kórikten ótkeriwdiń aldın ornatılǵan múddetlerine qaramastan, olardı MJHQX uyımlarında dizimnen ótkeriw (qayta dizimnen ótkeriw) waqtında (birinshi márte dizimnen alınıp atırǵan jańa transport qurallarınan tısqarı).
3. Usı sheshimniń 2-bánti “a” kishi bántinde kórsetilgen transport qurallarınıń texnikalıq kórigi:
birinshi márte – sheshim nızamlı kúshke kirgennen baslap 15-sentyabrge shekem;
ekinshi márte – 15-sentyabrden 30-oktyabrge shekem ótkeriledi.
Fizikalıq hám yuridikalıq shaxslarǵa tiyisli basqa transport qurallarınıń texnikalıq kórigi sheshim nızamlı kúshke kirgennen baslap 31-dekabrge shekem ótkeriledi.
4. Jańa transport quralları MJHQX uyımlarında dizimnen ótkeriwde texnikalıq kórikten ótkerilmeydi.
5. Rayonda texnikalıq kórikti ótkeriw ushın dúzilgen komissiya quramı 1-qosımshaǵa muwapıq tastıyıqlansın.
Rayonlıq Ishki isler bólimi JHQX tárepinen yuridikalıq shaxslardıń transport quralların texnikalıq kórikten ótkeriw ornı, sánesi hám waqtı, kórikke qoyılıp atırǵan transport qurallarınıń sanı haqqındaǵı maǵlıwmatlardı óz ishine alatuǵın 2-qosımshaǵa muwapıq dúzilgen keste tiykarında ámelge asırıw rejelestirilsin.
6. Ózbekstan Respublikası Ministrler Kabinetiniń 2021-jıl 9-mart kúngi “Transport quralların májbúriy texnikalıq kórikten ótkeriw tártibi haqqında”ǵı Qaǵıydasın tastıyıqlaw haqqındaǵı 125-sanlı qararınıń 3-bánti talaplarınan kelip shıǵıp, rayonlıq Qorǵanıw bólimi, Ishki isler bólimi hám Milliy qáwipsizlik xızmeti transport quralları usı mákemeler tárepinen belgilengen tártipte májbúriy texnikalıq kórikten ótkeriliwi názerde tutılsın.
7. Rayon hákimliginiń 2021-jıl 4-fevral kúngi “Rayon aymaǵındaǵı yuridikalıq hám fizikalıq shaxslarǵa tiyisli transport quralları hám tirkemelerdi májbúriy texnikalıq kórikten ótkeriw haqqında”ǵı 43-sanlı sheshimi usı sheshim kúshke kirgen kúnnen baslap óz kúshin joytqan dep esaplansın.
8. Usı sheshim “Taxtakópir tańı” gazetasında járiyalansın hám rayon hákimliginiń rásmiy veb-saytına jaylastırılsın.
9. Usı sheshim rásmiy járiyalanǵan kúnnen baslap kúshke kiredi.
10. Usı sheshimniń orınlanıwın qadaǵalaw rayon hákiminiń orınbasarı M. Qazaqbaevqa tapsırılsın.

Taxtakópir rayonı hákimi:                                                  J.ADILOV

№ 50-13-189-Q/21                                                                              31 – avgust 2021-jıl

Taxtakópir rayonı hákiminiń 31-avgust 2021-jılǵı

50-13-189-Q21-sanlı sheshimine 1-qosımsha

Transport quralların jıllıq texnikalıq kórikten ótkeriw boyınsha rayonlıq komissiyasınıń
QURAMÍ

Komissiya baslıǵı – RIIB JHQT
Komissiya aǵzası – Rayon hákimliginiń sanaattı rawajlandırıw, kapital qurılıs, kommunikaciyalar hám kommunal xojalıǵı máseleleri boyınsha bas qánigesi

Komissiya aǵzası – Rayonlıq jol xojalıǵı, kesip alıp islew, ońlaw, paydalanıw kárxanası baslıǵı

Taxtakópir rayonı hákiminiń 31-avgust 2021-jılǵı

50-13-189-Q21-sanlı sheshimine 2-qosımsha

Rayondaǵı mákeme, karxana hám shólkemlerdiń transport quralların hám tirkemelerin májburiy texnikalıq kórikten ótkeriw kestesi