Sessiya jumısına Ózbekstan Respublikası Prezidenti saylawın ótkeriwshi 1-Qaraqalpaqstan okruglik saylaw komissiyası aǵzası – Maxset Utepbergenov, Qaraqalpaqstan Respublikası Joqarǵı Keńesi deputatı Batır Aytekov, sonday-aq, rayon hákiminiń orınbasarları, mákeme, kárxana, shólkemler hám puqaralar jıyınları baslıqları hám rayondaǵı ǵalaba xabar quralları wákilleri qatnastı.

Sessiyanıń kún tártibine muwapıq, Taxtakópir rayonı aymaǵınan dúzilgen Ózbekstan Respublikası Prezidenti saylawın ótkeriwshi uchastkalıq saylaw komissiyalarınıń quramı aǵzalıǵına talabanlardı usınıw hám tastıyıqlaw, ekinshi máselede “Saqawat hám kómek” qorınıń rayonlıq bólimi esabınan qarjı ajıratıw, úshinshi – rayon aymaǵındaǵı “Jaslar dápterin”degi jaslarǵa “Jaslar dápteri” fondınan qarjı ajıratıw haqqındaǵı máseleler qarap shıǵıldı hám rayonlıq Keńes deputatları tárepinen tiyisli qarar qabıl etildi.

Taxtakópir rayonı hákimligi málimleme xızmeti