KarOne.uz saytı kanalınıń rásmiy botına Taxtakópir rayonındaǵı “Dáwqara” APJ turǵınları tárepinen awıldıń asfalt jolları nasazlıǵı boyınsha bir-neshe múrájátler kelip túsken. “Dáwqara”nıń jolındaǵı bul nasazlıqlar boyınsha rayon hákimliginiń bot kanalına, sonday-aq, jaqında ótkerilgen Qaraqalpaqstan telekanalınıń “Ashıq mikrofon” kórsetiwinde de múrájatlar kelip tústi. Joldıń ońlaw jumısları aldın da juwap bergenimizdey, Ózbekstan Respublikası Prezidentiniń 2020-jıl 11-noyabr kúngi “Qaraqalpaqstan Respublikasın kompleksli social-ekonomikalıq rawajlandırıw is-ilajları haqqında”ǵı PQ-4889-sanlı qararı tiykarında, 2023-jılda rayon aymaǵındaǵı 4N42 “DFX Dáwqara – DFX Bórshitaw” avtomobil jolınıń 10-13 km bólimin rekonstrukciyalaw rejelestirilgen.
Rayonlıq jollardan paydalanıw unitar kárxanası tárepinen rayon aymaǵındaǵı respublika áhmiyetindegi hám ishki jollardıń ońlaw jumısları mánzilli baǵdarlamalar tiykarında basqıshpa-basqısh ámelge asırıladı.

Taxtakópir rayonı hákimligi Málimleme xızmeti.