Shójeni gúzde sanaymız. Yaǵnıy, diyqannıń miyneti zúrááti arqalı sınalatuǵın áyne máhál keldi. Klasterler arqalı endigi zúráátimiz ózimizde qayta islenip, eksportqa jiberiledi. Jańa jumıs orınları jaratıladı. Atızlarımızda bolsa kórip turǵanıńızday ele paxta kóp. Onı kúnniń búgingidey ashıq-jarıǵında jıynap-terip alıw kerek. Kúni keshe bolıp ótken jawın-shashın diyqannıń da, terimshiniń de qolın irikkeni ras. Degen menen hawa rayı óz wazıypasın ótep atır. Sebebi, gúzdiń dáslepki ayı juwmaqlanıw aldında. Sinoptiklerdiń bergen maǵlıwmatları hápte aqırında kún salqın bolıp, jawın-shashın bolıwın boljamaqta.

Sonlıqtan da sanawlı kúnlerde diyqannıń qol qanatı bolıp hám dáramat deregine iye bolayıq desek, paxta jıyın-terimine belsene qatnasayıq.

Taxtakópir rayonı hákimligi Málimleme xızmeti