El basshımız tárepinen jaslarımızdı shet tillerin tereń úyreniwge baǵdarlaw boyınsha ayrıqsha kewil bólinip atır. Rayondaǵı 3-sanlı shet tiline qánigelestirilgen mámleketlik ulıwma orta bilim beriw mektebinde shet tili páni oqıtıwshıları ushın seminar ótkerildi.
Seminardı ótkeriwdegi maqset-oqıtıwshılardıń inglis tilin biliw dárejesin anıqlawdaǵı xalıqaralıq dárejedegi test sınaqları boyınsha túsinik beriwden ibarat.

Seminarǵa Qaraqalpaq mámleketlik universitetiniń shet tili páni muǵallimleri qatnasıp, oqıtıwshılarǵa testlerdiń maqset-wazıypaları, talapları, oǵan tayarlıq kóriw, jol-jobası haqqında túsinikler berdi.
Oqıtıwshılar ózlerin qızıqtırǵan sorawlarǵa juwaplar aldı.

Taxtakópir rayonı hákimligi Málimleme xızmeti