Rayonımızdaǵı “Qostruba” mákan keńesi puqaralar jıyını kópshiliktiń ele tabanı tiymegen elat. Sebebi awıl rayon orayınan 150 kilometr qashıqlıqta jaylasqan. Bul aymaqta 26 xojalıq jasaydı.

196 oqıwshıǵa mólsherlengen 23-sanlı orta mektepte sharwa xalqınıń qırıqqa jaqın ul-qızı bilim alıp atır. Olarǵa 12 pedagog oqıtıwshılar bekitilgen. Birlesken milletler shólkeminiń Rawajlandırıw baǵdarlaması, Beyimlesiw qorı tárepinen 300 vatt quwatlılıqqa iye bolǵan elektr energiyasın jetkerip beriwshi quyash batareyası alıp kelindi hám ornatılǵan.

Sonlıqtan da mektep oqıwshıları kompyuter texnologiyalarınan erkin paydalana aladı. Qaraqalpaqstan Respublikasınıń bir qatar ministrleri hám jergilikli wákilleri Qostruba awılında bolıp, ondaǵı mektep turmısı menen jaqınnan tanıstı.

Mektepke jańa kitaplar, sport inventarların sawǵa etti.

Taxtakópir rayonı hákimligi Málimleme xızmeti