“Ózbekstan Respublikası xalqı hám aymaǵınıń seysmikalıq qáwipsizligin támiyinlew haqqında”ǵı Nızamǵa (ÓRN-713-san, 13.09.21-jıl) Prezident tárepinen qol qoyıldı.

Nızamǵa muwapıq, seysmikalıq qáwipsizligi támiyinlenetuǵın obektler ahmiyetine qaray tómendegi dárejelerge bólinedi:
– I dáreje – qáwipsizlik dárejesi pás bolǵan obektler
– II dáreje – qáwipsizlik dárejesi ortasha bolǵan obektler
– III dáreje – qáwipsizlik dárejesi joqarı bolǵan obektler
– IV dáreje – qáwipsizlik dárejesi júdá joqarı bolǵan obektler.

Ózbekstannıń aymaǵında seysmikalıq qáwipti bahalaw qurılıs akademiyası tárepinen tiyisli Mámleketlik uyımlar hám shólkemler menen birgelikte ámelge asırıladı.

Seysmikalıq hárekettegi zonalarda jaylasqan qurılıs normaları hám qaǵıydalarına muwapıq joybarlastırılǵan hám de qurılǵan II-IV dárejedeǵı obektler hár 5 jılda jer silkiniwge shıdamlılıǵı vizual tekseriwden ótkeriledi.

Seysmikalıq aktiv zonalarda jaylasqan III-IV dárejedeǵı obektler hár 10 jılda jer silkiniwge instrumental-texnikalıq tekseriwden ótkeriliwi tiyis.

Seysmikalıq hárekettegi zonalarda jańadan qurılǵan III-IV dárejedeǵı obektler iske tusirilip atırǵanda jer silkiniwge instrumental-texnikalıq tekseriwden májburiy tártipte ótkeriledi.

IV dárejedeǵı obektlerge tiyisli suw saqlaǵıshlardıń bógetleri menen gidroelektrstanciyalarda instrumental-texnikalıq tekseriw bir jılda eki márte ótkeriledi.

Suw saqlaģıshlar bògetleriniń instrumental-texnikalıq tekseriliwi seysmikalıq hárekettegi hár bir kúshli jer silkiniwinen keyin májbúriy tártipte ótkeriledi.

Nızamǵa kóre, kushli jer silkiniwi nátiyjesinde jetkizilgen zıyandı bahalawǵa deyingi jumıslar Ministrler kabineti tárepinen ámelge asırıladı.

Nızam xabar berilgen kúnnen baslap 6 ay ótkennen keyin kúshke kiredi.

Taxtako’pir rayonı Ayrıqsha jaǵdaylar bólimi