Búgin Xalıq deputatları Taxtakópir rayonlıq Keńesiniń otız altınshı sessiyası bolıp ótti. Sessiya jumısına rayonlıq Keńestiń deputatları, rayon hákiminiń orınbasarları, tiyisli taraw basshıları qatnastı. Sessiyanı rayon hákimi J.Adilov alıp bardı.

Sessiyanıń kún tártibi boyınsha rayonda “Hayallar dápteri” boyınsha ámelge asırılıp atırǵan jumıslar, Taxtakópir rayonı jergilikli byudjetiniń 2021-jıldıń ӀӀӀ sheregine belgilengen dáramatlar rejesiniń artıq orınlanǵan bólegi hám jumsalıw jónelisleri haqqında, rayonlıq jollardan paydalanıw unitar kárxanası tárepinen 2021-jıldıń 10 ayı dawamında rayon aymaǵında ámelge asırılǵan jumıslar, rayonımız aymaǵındaǵı qábiristanlardıń atamaların tastıyıqlaw hám rayonlıq xalıq bilimlendiriw bólimine qaraslı 20-sanlı ulıwma orta bilim beriw mektebi direktorı lawazımına talabandı kelisiw haqqındaǵı, ulıwma bes másele kórip shıǵıldı.

Alıp barılǵan jumıslar boyınsha bayanatshılardıń málimlemesi tıńlandı hám tastıyıqlaw ushın deputatlarǵa usınıldı.

Kórip shıǵılǵan máseleler boyınsha pikir-usınıslar bildirilip, tiyisli qararlar qabıl etildi.

Taxtakópir rayonı hákimligi málimleme xızmeti