Ózbekstan Respublikasınıń 2011-jıl 12-oktyabr kúngi 303-sanlı “Geografiyalıq obyektlerdiń atamaları haqqında”ǵı Nızamı (Ózbekstan Respublikası nızam hújjetleri toplamı, 2011-jıl, 41-sanlı, 448-statya), Ózbekstan Respublikası Ministrler Kabinetiniń 2020-jıl 11-mart kúngi 01-30/1-34-25-sanlı bayanlamasınıń orınlanıwın támiyinlew hám de “Jergilikli mámleketlik hákimiyat haqqında”ǵı Ózbekstan Respublikası Nızamınıń 6 hám
24-statyalarına muwapıq Xalıq deputatları Taxtakópir rayonlıq Keńesi

SHESHIM  ETEDI:

1. Ózbekstan Respublikası Ministrler Kabinetiniń 2020-jıl 11-mart kúngi 01-30/1-3425-sanlı bayanlaması, Qaraqalpaqstan Respublikası Ministrler Keńesi janındaǵı Geografiyalıq obyektlerge atama beriw hám qayta atama beriw máseleleri boyınsha komissiyasınıń 2021-jıl 7-may kúngi 01-08/05-05/224-sanlı bayanlaması inabatqa alınsın.
2. Geografiyalıq obyektlerge atama beriw hám qayta atama beriw máseleleri boyınsha Taxtakópir rayonlıq komissiyasınıń 2021-jıl 20-aprel kúngi 01-08/61-sanlı májilis bayanlamasınıń qosımshasında keltirilgen 55 qábirstannıń atamaları qosımshaǵa muwapıq tastıyıqlansın.

3. Rayonlıq Statistika bólimi (Q.Embergenov) hám Qaraqalpaqstan Respublikası Mámleketlik Salıq komiteti janındaǵı kadastr agentliginiń mámleketlik kadastrları palatası Taxtakópir rayonı filialı (J.Turdıkulov)na usı sheshimniń qosımshasına muwapıq atamaları tastıyıqlanatuǵın geografiyalıq obyektlerdi qayta dizimnen ótkeriw wazıypası tapsırılsın.
4. Rayon hákiminiń orınbasarları, rayonlıq geografiyalıq obyektlerge atama beriw hám qaytadan atama beriw máseleleri boyınsha komissiyası baslıǵınıń orınbasarları (M.Sherbekov, B.Tanirbergenov)na bir hápte múddet ishinde atamaları tastıyıqlanıp atırǵan geografiyalıq obyektler (qábiristanlar)diń atamaları boyınsha sol aymaqlarda túsinik, úgit-násiyat jumısların alıp barıw jumısları tapsırılsın.

5. Rayon hákiminiń birinshi orınbasarı (D.Janabaev)na, rayonlıq finans bólimi (Z.Tajimuratov)ne atamaları tastıyıqlanǵan geografiyalıq obyektler (qábirstanlar)diń atamaları jazılǵan zamanagóy kórsetkishlerdiń (banner hám t.b.) jazdırılıwında hám ornatılıwında ámeliy járdem kórsetiwi, al rayonlıq Abadanlastırıw basqarması (A.Abdimanov)na atamaları tastıyıqlanǵan geografiyalıq obyektler (qábirstanlar)diń atamaları jazılǵan zamanagóy kórsetkishlerdi izbe-izlikte ornatıw wazıypaları tapsırılsın.

6. Taxtakópir rayonı hákimligi Málimleme xızmeti (G.Davletmuratova)ne usı sheshimdi hákimliktiń rásmiy veb-saytında jaylastırıw hám «Taxtakópir tańı» gazetasında járiyalaw tapsırılsın.

7. Sheshim rásmiy túrde járiyalanǵan kúnnen baslap kúshke kiredi.

8. Usı sheshimniń orınlanıwın qadaǵalaw Xalıq deputatları Taxtakópir rayonlıq Keńesiniń Bilimlendiriw, densawlıqtı saqlaw, mádeniyat, sport hám sociallıq qorǵaw hám de jaslar siyasatı, hayal-qızlar hám gender teńligi máseleleri boyınsha turaqlı komissiyası hám de Taxtakópir rayonı hákiminiń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarına tapsırılsın.

                             Xalıq deputatları Taxtakópir

                            rayonlıq Keńesi baslıǵı                                    J.Adilov