Rayon hákimliginiń kishi májilisler zalında rayonda “Jaslar dápteri”nen shıǵarılǵan jaslardıń búgingi turmısına baǵıshlanǵan “Ashıq sáwbet” bolıp ótti.

Sáwbetlesiw barısında belgili bolǵanınday, dáslep úyreniwler nátiyjesinde “Jaslar dápteri”ne kirgizilgen 1425 jastıń búgingi kúnde kópshiligine kreditler, subsidiyalar beriw, kásipke baǵdarlaw boyınsha arnawlı oqıw kurslarında teoriyalıq hám praktikalıq tájiriybe alıwı arqalı jumıs orınların jarata alǵan yamasa ózin-ózi bánt etken. Biraq, tilekke qarsı bári emes. “Dápter”den ele shıǵa almay júrgen 41 jas bar. Olardıń keleshegi ne boladı?!

Usı maqsette “Ashıq sáwbet” barısında jurnalistler Jaslar isleri agentligi rayonlıq bólimi hám Jaslar awqamı rayonlıq Keńesiniń basshılarına óz sorawların berdi jáne ózleriniń pikir-usınısların da bildirdi. Ayırım subsidiya arqalı ózin-ózi bánt etip atırǵan, “dápter”den shıǵarılǵan jaslar menen sáwbetlesti.

Taxtakópir rayonı hákimligi málimleme xızmeti