Taxtakópir rayonındaǵı sektor basshılarınıń rayonda kompleks social-ekonomikalıq rawajlandırıw boyınsha 2022-jıl dawamında ámelge asırılatuǵın “Jol karta”sı boyınsha málimlemesin tıńlap hám de “Jergilikli mámleketlik hákimiyat haqqında”ǵı Ózbekstan Respublikası Nızamınıń 6 hám
24-statyalarına muwapıq, Xalıq deputatları Taxtakópir rayonlıq Keńesi

SHESHIM  ETEDI:

1. Taxtakópir rayonın kompleks social-ekonomikalıq rawajlandırıw boyınsha sektor basshıları (J.Adilov, P.Xalmuratov, T.Qdırbaev, Q.Tursımuratov)nıń málimlemesi maǵlıwmat uchun qabul qilinsin.

2. 2. Taxtakópir rayonın kompleks social-ekonomikalıq rawajlandırıw boyınsha sektor basshılarıniń 2022-jıl dawamında ámelge asırılatuǵın
   “Jol karta”si 1, 2, 3 hám 4 qosımshaǵa muwapıq tastıyıqlansın.

3. Taxtakópir rayonındaǵı sektor basshıları, Xalıq deputatları rayonlıq Keńesi deputatları, rayon hákiminiń orınbasarları, máhállelerge biriktirilgen hákim járdemshileri hám puqaralar jıyınları basshıları (aqsaqalı) menen birgelikte:

– “Temir dápteri”, “Hayallar dápteri” hám “Jaslar dápteri”ne kiritilgenlerin sociallıq qollap-quwatlaw islerin dawam ettiriw;

– xalıqtıń bánt bolmaǵan qatlamın jumısqa jaylastırıw, is haqı tólenetuǵın jámiyetlik islerine, isbilermenlikke tartıw arqalı olardıń bántligin támiyinlew;

– aymaqlarda xalıqtıń sociallıq qorǵawǵa mútáj shańaraqların hár dayım úyrenip barıw;

– waqtınsha jumıssız bolǵan puqaralardıń, ásirese hayallar hám jaslardıń bántligin támiyinlewge kómeklesiw;

– aymaqlardı kompleks social-ekonomikalıq rawajlandırıw, isbilermenlik hám kishi biznes subektlerin qollap-quwatlaw;

– Investiciya mánzilli dástúrine kiritilgen joybarlardıń belgilengen múddetlerde ámelge asırılıwın támiyinlesin.

4. Rayon hákiminiń málimleme xızmeti (O.Genjemuratov) usı sheshimdi rayon hákimliginiń resmiy veb-saytına jaylastirsin.
5. Usı sheshimniń orınlanıwın qadaǵalaw Xalıq deputatları Taxtakópir rayonlıq Keńesiniń turaqlı komissiyasına hám rayon hákiminiń orınbasarlarına júklensin.
6. Sheshim qabıl etilgennen keyin rásmiy járiyalanǵan kúnnen baslap kúshke kiredi.

Xalıq deputatları Taxtakópir

   rayonı Keńesiniń baslıǵı                                            J.Adilov