Ózbekstan Respublikasınıń «Toģay haqqında»ģı Nızamınıń 32-statyası hám Ózbekstan Respublikasınıń «Jergilikli mámleketlik hákimiyat haqqında»ģı Nızamınıń 6-statyasına muwapıq

SHESHIM ETEMEN:

1. Taxtakópir mámleketlik Toģay xojalıģınıń toģay fondı aymaģında sheshim nızamlı túrde kúshke kirgen kúnnen baslap 2022-jıl 1-dekabrge shekem «Toģaylarda órt qáwipsizligi máwsimi» dep belgilensin.
2. Rayon aymaģındaģı toģaylarda órt qáwpiniń aldın alıw hám órt bolģan jaģdayda Taxtakópir rayonı boyınsha islenetuģın is-ilajlar qosımshaģa muwapıq tastıyıqlansın.
3. Taxtakópir mámleketlik Toģay xojalıģı direktorı B.Turdıbaevqa, órt kelip shıģıwınıń aldın alıw maqsetinde toģaylardı qadaģalaw boyınsha tómendegi jumıslardı alıp barıw tapsırılsın:
4. a) órt qáwipsizligi talaplarınıń buzılıwınıń aldın alıw, toģaylardıń áhmiyeti haqqında puqaralar arasında keń túsinik jumısların júrgiziw;
5. b) toģaylarda órtke qarsı gúresiwge, jollardı taza uslawģa ayrıqsha itibar qaratıw;
6. v) toģaylarģa kirer orınlarģa arnawlı eskertiwshi belgiler qoyıw hám bar bolģan belgilerdi qaytadan jańalaw;
7. g) toģay fondı maydanlarında tábiyiy hám texnikalıq jaģdaylardıń aldın alıw, ayrıqsha jaģdaylarda tiyisli jergilikli hákimiyat uyımları, rayonlıq Аyrıqsha jaģdaylar bólimi, Ishki isler bólimi hám basqa da kárxanalar menen birgelikte keshiktirip bolmaytuģın ilajlar islep shıģılıp, olardıń orınlanıwın támiyinlew tapsırılsın.
8. Taxtakópir rayonı hákiminiń orınbasarı D.Palwanov hám rayonlıq Diyxan, fermer xojalıqları hám qıytaq jer iyeleri keńesine, órtke qarsı ilajlar kóriw, toģay fondı jerleri menen shegaralasqan atızlardıń átirapların, jap hám salmalardı tazalaw waqtında órt kelip shıģıwınıń aldın alıw maqsetinde quwraģan shóplerdi jaģıp jibermew, ekologiyalıq ortalıqtı jaqsılaw boyınsha jumıslardı ámelge asırıw tapsırılsın.
9. Usı sheshim rayonlıq «Taxtakópir tańı» gazetasında hám rayon hákimliginiń veb saytında járiyalansın hám járiyalanģan kúnnen baslap kúshke kirsin.
10. Taxtakópir rayonı hákiminiń 2021-jıl 7-aprel kúngi 185-sanlı sheshimi óz kúshin joyıtqan dep esaplansın.
11. Usı sheshimniń orınlanıwın qadaģalaw rayon hákiminiń ekologiya hám Aralboyı aymaģın rawajlandırıw máseleleri boyınsha birinshi orınbasarı T.Toqımbetovqa tapsırılsın.

Rayon hákimi                                   J.Adilov