2022-jılda Taxtakópir mámleketlik Toǵay xojalıǵınıń toǵay fondı jerlerinde órt qáwipsizliginiń aldın alıw ilajları haqqında rayon hákiminiń sheshimi

Ózbekstan Respublikasınıń «Toǵay haqqında»ǵı Nızamınıń 32-statyası hám Ózbekstan Respublikasınıń «Jergilikli mámleketlik hákimiyat haqqında»ǵı Nızamınıń 6-statyasına muwapıq

SHESHIM ETEMEN:

Taxtakópir mámleketlik Toǵay xojalıǵınıń toǵay fondı aymaǵında sheshim nızamlı túrde kúshke kirgen kúnnen baslap 2022-jıl 1-dekabrge shekem «Toǵaylarda órt qáwipsizligi máwsimi» dep belgilensin.
Rayon aymaǵındaǵı toǵaylarda órt qáwpiniń aldın alıw hám órt bolǵan jaǵdayda Taxtakópir rayonı boyınsha islenetuǵın is-ilajlar qosımshaǵa muwapıq tastıyıqlansın.
Taxtakópir mámleketlik Toǵay xojalıǵı direktorı B.Turdıbaevqa, órt kelip shıǵıwınıń aldın alıw maqsetinde toǵaylardı qadaǵalaw boyınsha tómendegi jumıslardı alıp barıw tapsırılsın:
a) órt qáwipsizligi talaplarınıń buzılıwınıń aldın alıw, toǵaylardıń áhmiyeti haqqında puqaralar arasında keń túsinik jumısların júrgiziw;
b) toǵaylarda órtke qarsı gúresiwge, jollardı taza uslawǵa ayrıqsha itibar qaratıw;
v) toǵaylarǵa kirer orınlarǵa arnawlı eskertiwshi belgiler qoyıw hám bar bolǵan belgilerdi qaytadan jańalaw;
g) toǵay fondı maydanlarında tábiyiy hám texnikalıq jaǵdaylardıń aldın alıw, ayrıqsha jaǵdaylarda tiyisli jergilikli hákimiyat uyımları, rayonlıq Аyrıqsha jaǵdaylar bólimi, Ishki isler bólimi hám basqa da kárxanalar menen birgelikte keshiktirip bolmaytuǵın ilajlar islep shıǵılıp, olardıń orınlanıwın támiyinlew tapsırılsın.
Taxtakópir rayonı hákiminiń orınbasarı D.Palwanov hám rayonlıq Diyxan, fermer xojalıqları hám qıytaq jer iyeleri keńesine, órtke qarsı ilajlar kóriw, toǵay fondı jerleri menen shegaralasqan atızlardıń átirapların, jap hám salmalardı tazalaw waqtında órt kelip shıǵıwınıń aldın alıw maqsetinde quwraǵan shóplerdi jaǵıp jibermew, ekologiyalıq ortalıqtı jaqsılaw boyınsha jumıslardı ámelge asırıw tapsırılsın.
Usı sheshim rayonlıq «Taxtakópir tańı» gazetasında hám rayon hákimliginiń veb saytında járiyalansın hám járiyalanǵan kúnnen baslap kúshke kirsin.
Taxtakópir rayonı hákiminiń 2021-jıl 7-aprel kúngi 185-sanlı sheshimi óz kúshin joyıtqan dep esaplansın.
Usı sheshimniń orınlanıwın qadaǵalaw rayon hákiminiń ekologiya hám Aralboyı aymaǵın rawajlandırıw máseleleri boyınsha birinshi orınbasarı T.Toqımbetovqa tapsırılsın.

Taqtakópir rayonı hákimi w.w.a D.Jańabayev

Toǵaylarda órt qáwpiniń aldın alıw hám órt bolǵan jaǵdayda Taxtakópir rayonı boyınsha islenetuǵın

IS ILАJLAR

№	Islenetuǵın jumıslardıń túrleri	Orınlaw múddeti	Orınlaw ushın juwapker
1	Toǵaylarda órt qáwpi bolǵan waqıtta operativ túrde rayonlıq Ayrıqsha jaǵdaylar bóliminiń qısqa 101 hám mámleketlik toǵay xojalıǵınıń toǵay órtin óshiriwshi topardı 93.366-00-30, 93.485-05-94, 99.386-68-72, 93-068-75-19 telefon nómerlerine xabar beriw. Bul haqqında dárhal rayon hákimligine hám rayonlıq ishki isler bólimine xabarlaw.	Órt qáwpi payda bolǵan waqıtta	Rayonlıq mámleketlik toǵay xojalıǵı direktorı B.Turdıbaev, toǵay inspektorı T.Abdirov hám toǵay tóreleri P.Baymuratov, A.Palmuratov
2	Toǵay xojalıǵı áhmiyetine iye hám órtke qarsı maqsetler ushın qurılǵan jollardı tazalaw.	Jıl dawamında	Rayonlıq mámleketlik toǵay xojalıǵınıń bas toǵay tóresi A.Joldasbaev, toǵay inspektorı T.Abdirov hám toǵay tóreleri P.Baymuratov, A.Palmuratov
3	Aqbóget hám Dáwqara toǵay tóreshiliklerinde órt óshiriwshi toparların duzip, olarǵa órt óshiriw tártibin túsindirip barıw.	Jıl dawamında	Rayonlıq mámleketlik toǵay xojalıǵınıń bas toǵay tóresi A.Joldasbaev, toǵay tóreleri P.Baymuratov, A.Palmuratov hám rayonlıq Ayrıqsha jaǵdaylar bólimi baslıǵı A.Ikramov
4	Órttiń aldın alıw boyınsha toǵaylarǵa jaqın jaylasqan fermer xojalıqları hám sol aymaqta jasawshı puqaralar arasında úgit-násiyat jumısların alıp barıw.	Jıl dawamında	Rayonlıq mámleketlik toǵay xojalıǵı direktorı B.Turdıbaev, rayonlıq Ayrıqsha jaǵdaylar bólimi baslıǵı A.Ikramov hám Puqaralar jıyınları baslıqları
5	Toǵayda órttiń aldın alıw boyınsha jańadan eskertiwshi belgilerdi ornatıw.	Bir ay múddette	Rayonlıq mámleketlik toǵay xojalıǵınıń bas toǵay tóresi A.Joldasbaev, toǵay tóreleri P.Baymuratov, A.Palmuratov
6	Aqbóget toǵay tóreshiligin órtke qarsı gúresiwshi bir dana suw saqlawshı 10 tonnalıq ıdıs, 10 dana shelek, 2 dana jarǵı, 1 dana benzopila quralları menen támiyinlew hám saqlaw orınların belgilew.	Bir ay múddette	Rayonlıq mámleketlik toǵay xojalıǵı direktorı B.Turdıbaev, toǵay inspektorı T.Abdirov hám toǵay tóreleri P.Baymuratov, A.Palmuratov
7	Órt payda bolıw qáwpi bar bolǵan orınlarda órt óshiriw ushın ıdıslarda 800 litrden artıq suw muǵdarın saqlaw	Jıl dawamında	Rayonlıq mámleketlik toǵay xojalıǵınıń toǵay tóreleri P.Baymuratov, A.Palmuratov toǵay qorıwshıları (bajbanlar)
8	Toǵaylarda órt qáwipsizligin támiyinlew maqsetinde puqaralardıń hám texnikalardıń toǵayda sebepsiz júriwin qadaǵan etiw.	Jıl dawamında	Rayonlıq mámleketlik toǵay xojalıǵı direktorı B.Turdıbaev, rayonlıq ishki isler bólimi baslıǵı T.Qdırbaev hám Puqaralar jıyınları baslıqları
9	Awıl xojalıq eginleri egisine tayarlıq dáwirinde toǵay xojalıǵı menen shegaralas jaylasqan fermer xojalıqlarınıń atızların, jap-salmaların tazalaw waqtında shóp-sharlardı jaǵıwdı qadaǵan etiw.	Jıl dawamında	Rayonlıq mámleketlik toǵay xojalıǵı direktorı B.Turdıbaev, rayonlıq ishki isler bólimi baslıǵı T.Qdırbaev, rayonlıq Ayrıqsha jaǵdaylar bólimi baslıǵı A.Ikramov hám Puqaralar jıyınları baslıqları
10	Puqaralıq qorǵanıw hám ayrıqsha jaǵdaylardı saplastırıw basqarmasınıń kórsetpesi boyınsha puqaralardı órt óshiriwge qatnastırıw (mobilzaciya) ushın transport quralları menen támiyinlew.	Órt bolǵan waqıtta	Rayon hakimligi, rayonlıq mámleketlik toǵay xojalıǵı direktorı B.Turdıbaev, rayonlıq Ishki isler bólimi baslıǵı T.Qdırbaev
11	Toǵayda ayrıqsha jaǵdaylar júz bergende jergilikli jasawshı puqaralardı qáwipsiz orınlarǵa kóshiriw.	Órt bolǵan waqıtta	Rayon hakimligi, rayonlıq mámleketlik toǵay xojalıǵı direktorı B.Turdıbaev, rayonlıq Ishki isler bólimi baslıǵı T.Qdırbaev
12	Órt qáwpiniń aldın alıw ushın toǵay xojalıǵında rezervte YuMZ-6 M, K-700 traktorı, UAZ-31512 markalı avtomobil hám janarmay toltırılǵan ıdıslar menen támiyinlew.	Jıl dawamında	Rayonlıq mámleketlik toǵay xojalıǵı direktorı B.Turdıbaev.
13	Toǵaylarda órt bolǵan waqıtta qosımsha paydalanıw ushın rayonlıq ayrıqsha jaǵdaylar bólimshesiniń órt óshiriwshi arnawlı avtomobilleri hám ásbap-úskeneleri menen tolıq qatnasıwın támiyinlew.	Órt bolǵan waqıtta	Rayon hakimligi, rayonlıq mámleketlik toǵay xojalıǵı direktorı B.Turdıbaev, rayonlıq Ishki isler bólimi baslıǵı T.Qdırbaev, rayonlıq Ayrıqsha jaǵdaylar bólimi baslıǵı A.Ikramov
14	Toǵayda ayrıqsha jaǵdaylar júz bergende zárúrligine qaray qońsılas rayonlardıń órt óshiriwshi avtomobillerin járdemge shaqırıw.	Órt bolǵan waqıtta	Rayonlıq Ayrıqsha jaǵdaylar bólimi baslıǵı A.Ikramov.
15	Toǵaylarda órt qáwpiniń aldın alıw, onı boldırmaw, bolǵan jaǵdayda qanday ilajlar qollanıw kerekligi, ulıwma toǵaylardıń, jasıl tábiyattıń áhmiyeti haqqında ǵalaba xabar quralları arqalı turaqlı túrde maqalalar, radio esittiriwler, tele kórsetiwler berip barıw.	Jıl dawamında	Rayonlıq mámleketlik toǵay xojalıǵı direktorı B.Turdıbaev, «Taxtakópir tańı» redakciyası G.Davletmuratova.
16	Órt qáwpi kóp ushırasatuǵın máwsimlerde UAZ-31512 markalı avtomashinası menen náwbetshilik toparların shólkemlestiriw.	Órt qáwpi kóp ushırasatuǵın máwsimlerde	Rayonlıq mámleketlik toǵay xojalıǵı direktorı B.Turdıbaev.
17	Aqbóget hám Dáwqara bólimlerinde órt qáwipsizliginiń aldın alıw boyınsha máwsimlik qarawıl jumısın alıp barıwshı xızmetkrlerdi jumısqa alıw.	Órt qáwpi kóp ushırasatuǵın máwsimlerde	Rayonlıq mámleketlik toǵay xojalıǵı direktorı B.Turdıbaev.
18	Is-ilajda belgilengen jumıslardıń orınlanıwı boyınsha rayon hákimligine hám Qaraqalpaqstan Respublikası toǵay xojalıǵı mámleketlik komitetine óz waqtında maǵlıwmat berip barıw.	Hár aydıń 1-5-sánesi aralıǵında	Rayonlıq mámleketlik toǵay xojalıǵı direktorı B.Turdıbaev.