Hár jılı elimiz boylap ózbek hám qaraqalpaq xalqınıń súyikli shayırı Zulfiya Isroilovanıń tuwılǵan kúni kóterińki ruwxta belgilenip kelinbekte.

Usı múnásibet penen oqıwshılardıń bos waqtın mazmunlı ótkeriw maqsetinde Taxtakópir rayonı XBBne qaraslı 6-sanlı ayırım pànler tereńlestirip oqıtılatuǵın klası bar ulıwma orta bilim beriw mektebinde 1-mart ózbek hám qaraqalpaq xalqınıń súyikli shayırı Zulfiya Isroilovanıń tuwılǵan kúnine arnap «Siz kútken ushırasıw» atamasında jazıwshı, shayır hám dóretiwshi insanlar menen ushırasıw keshesi shólkemlestirildi.

Keshede oqıwshılarımız Òzbekstan Respublikasına xızmet kòrsetken jurnalist, Qaraqalpaqstan Respublikasına miyneti sińgen màdeniyat xızmetkeri, Qaraqalpaqstan hàm Òzbekstan jazıwshılar awqamı aǵzası, Qaraqalpaqstan Respublikası Joqarǵı Keńesi deputatı, shayıra Altıngul Òteniyazova hàm qaraqalpaq xalıq shayırı, Ózbekstan Qaharmanı Ibrayım Yusupovtıń qızı, Qaraqalpaqstan tariyxı hàm úlketanıw muzeyi direktorı Ayjamal Yusupovalar menen ushırastı.

Dóretiwshilerdiń ózleri menen ushırasıw oqıwshılarımızda ádebiy shıǵarmaǵa hám kitap oqiwǵa súyispenshiligin arttırıwǵa túrtki boldı hám ózleriniń qızıqtırǵan sorawlarına juwaplar aldı.
Keshe sońında oqıwshılar tàrepinen tayarlanǵan koncert baǵdarlaması qoyıp berildi.

Taxtakópir rayonı hakimliginiń málimleme xızmeti