Тахтакөпир районында жәми 115 фермер хожалықлары тәрепинен 3300 гектар жер майданларына жоқары сортлы бийдай туқымы егилген болып,  6870 тонна бийдай тапсырыў режеси белгиленген. Сондай-ақ, бүгинги күнде фермер хожалықлары тәрепинен 1696 тонна бийдай (24,7 %) тапсырылды.

Усы жылдың 21-июнь күни «Өзбекстан» аўыл пуқаралар жыйыны аймағында жайласқан «Амет-тахта» фермер хожалағының 2023-жыл ҳасылы ушын егилген ғәллениң орым-жыйым жумысларына район ҳәкими Ж.Адилов қатнасып,  дийқанның халық ийгилиги жолында ислеп атырған машақатлы жумысларында таўсылмас күш-ғайрат ҳәм қырманға берекет тиледи.

Сондай-ақ, «Амет-тахта» фермер хожалағы тәрепинен жәми 100 гектар жер майданларына бийдай туқымы егилген болып, 212 тонна бийдай тапсырыў режеси белгиленген. Бүгинги күнде фермер хожалағы тәрепинен 104,6 тонна бийдай (49,4 %) тапсырылды.

Соныда атап өтиў орынлы,  фермер хожалықлары тәрепинен егилген ғәллениң орым-жыйым жумыслары жоқары шөлкемлескенлик пенен даўам етпекте.

Тахтакөпир районы ҳәкимлигиниң мәлимлеме хызмети