Taxtakópir rayonı «Qaratereń» mákan puqaralar jıyını aymaǵınıń jaslar jetekshisi tárepinen 2023-jıldıń 6 ayı dawamında jaslardı isbilermenlikke tartıw hám jumıssız jaslarǵa jańa jumıs orınınların jaratıw maqsetinde alıp barılǵan jumısları óz nátiyjesin bermekte.

Atap aytqanda,
Nuraliev Damir – jumıssızlıǵı sebepli 2022-jıl «Jaslar dápteri»ne dizimge alınıp jaslar jetekshisi kómegi menen aymaqtaǵı fermer xojalıǵınıń birinen 1 gektar egislik jer maydanı alıp berilgen hám oǵan gúnji, mákke, másh ónimlerin jetistirip shańaraǵına qosımsha dáramat kirgizgen. Al  2023-jılı bolsa,e-auksion.uz platforması arqalı 2 gektar jer alıp házirgi kúnde gúnji, asqabaq, geshir sıyaqlı palız ónimlerin egip shańaraǵına dáramat keltirmekte. D.Nuraliev kelesi jılǵa 13 gektar egislik jer maydanın alıp, diyqanshılıǵın keńeytiwdi aldına maqset etip qoyǵan.


Júzbaeva Aygerim – jumıssızlıǵı sebepli «Jaslar dápteri»ne dizimge alınıp, óz isbilermenligin jolǵa qoyıw maqsetinde jaslar jetekshisi usınısı tiykarında 6,5 mln jeńiletilgen kredit alıp  «AYGERIM-HEALTH» karxanasın iske túsirgen. Aygerim  búgingi kúnde aymaq turǵınlarına «Kosmetologiya» xızmetin kórsetip qosımsha dáramat tappaqta.

Ospanova Arıwxan – qızıǵıwshılıǵınan kelip shıǵıp ózin-ózi bánt etiw maqsetinde subsediya tiykarında qáwenderler tárepinen 2 tigiw mashınası alıp berilgen bolsa jeńiletilgen kredit tiykarında 2 tigiw mashinasın alǵan. Búgingi kúnde «Qaratereń» máhallesi imaratınan tigiw cexın iske túsirgen bolıp házirde ózi qatarı 3 jastıń bántligin támiynleniwine kómeklesken. Sonday-aq aymaqta kásipke oqıw usınısın bildirgen 7 jastı tigiwshilik boyınsha oqıtıp kelmekte.

Taxtakópir rayonı hákimliginiń málimleme xızmeti