Ózbekstan Respublikası Hákimshilik sud islerin júritiw haqqındaǵı Kodekstiń 131-statyasına tiykar, eger usı Kodekste basqasha qaǵıyda názerde tutılmaǵan bolsa, sudya arzanı (shaǵımdı) is júritiwge qabıl qılıw haqqındaǵı, qabıl qılıwdan bas tartıw yamasa qaytarıw haqqındaǵı máseleni arza (shaǵım) sudqa kelip túsken kúnnen baslap bes kúnnen keshiktirmey jeke tártipte sheshedi.

Arzanı (shaǵımdı) is júritiwge qabıl qılıw, qabıl qılıwdan bas tartıw yaki qaytarıw haqqında uyǵarıw shıǵarıladı, onıń kóshirmesi iste qatnasıwshı shaxslarǵa ol shıǵarılǵan kúnnen keyingi kúnnen keshiktirilmesten jiberiledi.

Sudqa tiyisliligine kóre puqaralıq isleri boyınsha sudtan yamasa ekonomikalıq sudtan arza (shaǵım) yaki is materialları kelip túskende sudya arza (shaǵım) usı Kodekstiń 128, 129 hám 130-statyalarında kórsetilgen talaplarǵa muwapıq emesligin anıqlasa, arza (shaǵım) sudqa kelip túsken kúnnen baslap bes kúnnen keshiktirmey arza beriwshini kemshiliklerdi saplastırıw zárúrligi haqqında xabardar etedi hám oǵan bunıń ushın on kúnnen aspaytuǵın múddet beredi.

Hákimshilik sud islerin júritiw haqqındaǵı Kodekstiń talaplarına juwap beretuǵın arza is júritiwge qabıl etilip hám is qozǵatılıwı shárt.

Sudya usı Kodekstiń 130-statyası birinshi bóliminiń 1 hám 3-bántlerinde názerde tutılǵan talaplardı buzǵan halda berilgen arzanı, eger arzaǵa mámleketlik bajını tólewdi keshiktiriw, bólip-bólip tólew haqqındaǵı yaki arza beriwshide bolmaǵan dáliyllerdi talap etip alıw haqqındaǵı iltimasnamalar qosımsha qılınǵan hámde bul iltimasnamalar qanaatlandırılǵan bolsa, ish júritiwge qabıl qılıwǵa hám is qozǵatıwǵa haqılı.

Eger usı Kodekste basqasha tártip názerde tutılmaǵan bolsa, sud dodadawı isti sud dodalawına tayarlaw haqqandaǵı uyǵarıw shıǵarılǵan kúnnen baslap bir aydan aspaǵan múddette tamamlanıwı kerek.

Is jaǵdayınan kelip shıǵıp, sud dodalawınıń múddeti sud baslıǵı tárepinen bir aydan aspaǵan múddetke uzaytırılıwı múmkin.

Nókis rayonlar aralıq Hákimshilik sudı sudyası
G.Baynazarova

Taxtakópir rayonı hákimliginiń málimleme xızmeti