Búgin Taxtakópir rayonında gúz-qıs máwsiminde júzege keliwi múmkin bolǵan ayrıqsha jaǵdaylardıń aldın alıw hám bunday jaǵdaylarda háreket etiwshi mámleketlik strukturasınıń aymaqlıq tómengi tarmaǵı Taxtakópir rayonı buwınına kiriwshi xızmetler hám de puqaralıq qorǵaw «Jıyma komandası» menen birgelikte tuwrı háreket etiwleri boyınsha arnawlı taktikalıq oqıw shınıǵıwı bolıp ótti.


Arnawlı taktikalıq oqıw shınıǵıwı dawamında ayrıqsha jaǵdaylardıń aldın alıw hám bunday jaǵdaylarda háreket etiwshi mámleketlik strukturasınıń aymaqlıq tómengi tarmaǵı Taxtakópir rayonı buwınına kiriwshi xızmetler hám puqaralıq qorǵaw «Jıyma komandası»nıń kúsh hám qurallarınıń gúz-qıs máwsimine tayarlıǵın kózden ótkeriw ushın sap kórigi ótkerilip, gaz, elektr hám ishimlik suwı tarmaqlarında avariyalıq jaǵdaylar júz bergende tiyisli xızmetlerdiń kúsh hám quralları menen olardı saplastırıwdaǵı háreketleri ámeliyatda kórsetip berildi.


Arnawlı taktikalıq oqıw shınıǵıwın ótkeriwden maqset, gúz-qıs máwsiminde rayon aymaǵındaǵı gaz, elektr hám ishimlik suwı tarmaqlarında júzege keliwi múmkin bolǵan ayrıqsha jaǵdaylardıń aldın alıw boyınsha júkletilgen wazıypalardı óz waqtında sıpatlı orınlaw, sonday-aq, kommunal tarmaqlardaǵı kelip shıǵıwı múmkin bolǵan avariyalıq jaǵdaylardı Ayrıqsha jaǵdaylardıń aldın alıw hám bunday jaǵdaylarda háreket etiwshi mámleketlik strukturasınıń aymaqlıq tómengi tarmaǵı rayonlıq buwınına kiriwshi xızmetlerdiń birgeliktegi háreketlerin muwapıqlastırıw, eń baslısı, xalıqtı úzliksiz ráwishte ishimlik suwı, tábiyǵıy gaz hám elektr energiyası menen támiyinlew bolıp tabıladı.

Taxtakópir rayonı hákimliginiń málimleme xızmeti