Taxtakópir rayonı qánigelestirilgen mektebiniń 10-11-klass oqıwshıların kásipke baǵdarlaw hám Órtten sergeklik ulıwma milliy kompaniyası boyınsha ámelge asırılıp atırǵan ilajlar menen tanıstırıw maqsetinde, rayonlıq qánigelestirilgen mekteptıń direktor másláhátshisi T.Nagimov hám Jaslardı shaqırıqqa shekem tayarlaw boyınsha direktor orınbasarı T.Serekeevlar Taxtakópir rayonlı Ayrıqsha jaǵdaylar bóliminde boldı.

Ilajda rayonlıq Ayrıqsha jaǵdaylar bólimi baslıǵınıń orınbasarı mayor J.Xojanov tárepinen oqıwshılardı bólimdegi islewshilerge jaratılǵan shárt-shárayatlar, qolaylıqlar, sonıń menen bir qatarda ayrıqsha jaǵdaylar bolǵanda texnik ásbap-úskenelerden qalay paydalanıw hám jeke bólim qay tárizde háreketleniw kerek ekenligi haqqında túsinikler berip ótti.

Ótkerilgen ilajda oqıwshılar ózleriniń qızıqtırǵan sorawlarına juwaplar aldı hám keleshektegi rejeler haqqında kelisip óz-ara memorandumǵa qol qoydı.

Taxtakópir rayonı hákimliginiń málimleme xızmeti