Búgin Taxtakópir rayonı «Qaraoy» awıl puqaralar jıyını aymaǵındaǵı «Asamat» fermer xojalıǵında paxta jıyım-terim mapazı baslanıwı múnásibeti menen hám jıyım-terim mapazın joqarı dárejede shólkemlestiriwge baǵıshlanǵan seminar ótkerildi.

Seminarǵa rayon sektor basshıları, Respublikadan biriktirilgen wákiller, awıl xojalıǵı wákilleri hám de awıl turǵınları qatnastı.

Seminarda sózge shıqqanlar bıyılǵı paxta jıyım-terim mapazın joqarı dárejede shólkemlestiriw, rayon aymaǵındaǵı paxta jıyım-terimine qatnasıwdı qálewshi puqaralardıń qatnasında otryadlar dúzilip, aq altındı jıynap alıw jumısların baslandırıw boyınsha ayrıqsha atap ótildi. Sonday-aq terimshiler ushın bárshe shárt-sharayatlar jaratılıp beriliwi boyınsha tiyisli taraw basshılarına tapsırmalar belgilep berildı.

Bunnan soń terimshiler menen bir kese shay ústinde sáwbetlesip, ilaj dawamında rayonlıq Mádeniyat bólimi xızmetkerleri tárepinen yoshlı qosıq hám namalar atqarıldı. Koncert baǵdarlaması jıynalǵanlarǵa ózgeshe zawıq baǵıshladı.

Taxtakópir rayonı hákimliginiń málimleme xızmeti