Búgin Taxtakópir rayonı mektepke shekemgi hám mektep bilimlendiriw bólimine qaraslı 1-sanlı mektepte «Bes baslama olimpiadası» mektep basqıshınıń ashılıw máresimi ótkerildi.

Onda rayonlıq Mektepke shekemgi hám mektep bilimlendiriw bóliminiń bas qánigesi B.Utepbergenov, jaslar isleri agentliginiń rayonlıq bólim baslıǵı A.Nizamatdinov hám 1-sanlı ulıwma orta bilim beriw mektep direktorı Z.Ametovalar qatnasıp oqıwshı jaslardı «Bes baslama olimpiadası» mektep basqıshınıń ashılıwı menen qutlıqladı hám olarǵa sport jarısları hám tańlawlarda áwmetler tiledi.

Esletip ótemiz «Bes baslama olimpiadası» tómende kórsetilgen jarıs hám tańlawlar boyınsha mektep oqıwshıları arasında ótkeriledi.

«Quwnaq startlar» (1-4 klaslar ul balalar, qız balalar)

«Jeńil atletika» (8-9 klaslar ul balalar, qız balalar)

«Zakovat» intelektual turniri (1-11 klass ul balalar, qızlar)

«Shaxmat» (1-4, 5-11 klaslar ul bala,qız bala)

«Shashka» (5-11 klaslar ul bala, qız bala)

«Stol tennis» jarısları (8-11 klaslar ul bala, qız bala)

«Voleybol» (10-11 klaslar ul bala, qız bala)

«Kishi futbol» (10-11 klaslar ul balalar)

Taxtakópir rayonı hákimliginiń málimleme xızmeti